20. nóvember - 27. nóvember - Tbl 47
Auto ehf fær tímabundið afnot af lóð við Krossanes
Auto ehf. hefur fengið lóð í Krossanesi til afnota tímabundið Mynd Heilbrigðiseftirlit Norðurlands
Auto ehf. hefur fengið lóð í Krossanesi til tímabundinna afnota og þangað eru komnir um það bil 30 bílar bæði af lóðinni við Hamragerði og annars staðar úr Akureyrarbæ. Bílum á lóðinni við Hamragerði 15 hefur fækkað talsvert að undanförnu en þrátt fyrir það er enn nokkur fjöldi bíla innan lóðarmarka. Heilbrigðiseftirlit Norðurlands eystra hefur unnið að málinu um langt skeið.
Leifur Þorkelsson framkvæmdastjóri Heilbrigðiseftirlits Norðurlands eystra segir að á fyrstu fimm mánuðum þessa árs, 2024 hafi verið límt á 150 númerslausa bíla innan bæjarmarka Akureyrarbæjar, þar af voru 36 teknir í vörslu sveitarfélagsins og af þeim eru 26 á vegum Auto ehf. „Á undanförnum dögum og vikum hefur númerslausum bílum sem HNE hefur haft afskipti af fækkað verulega,“ segir Leifur.
Geymslusvæði mikilvæg en reglur séu skýrar
„Heilbrigðisnefnd hefur alloft bent á nauðsyn þess að til staðar séu geymslusvæði fyrir einstaklinga og fyrirtæki og mér líst því vel á hugmyndir Umhverfis- og mannvirkjaráðs Akureyrarbæjar um slíkt svæði í Sjafnarnesi. Það er mikilvægt að settar séu skýrar reglur varðandi umgengni á svæðinu og ástand þeirra hluta sem þar eru geymdir,“ segir Leifur. Umhverfis- og mannvirkjaráð fjallaði á dögunum um erindi um lóð við Sjafnarnes sem yrði geymslusvæði. Segir í bókun ráðsins að mikilvægt sé að bjóða upp á geymslusvæði á Akureyri til að tryggja einstaklingum og fyrirtækjum svæði til geymslu fyrir ýmislegt til lengri og skemmri tíma. Þannig væru einnig skapaðir möguleikar til að fegra bæinn. Ráðið sótti því um lóðina við Sjafnarnes og fól sviðsstjóra að leggja fram kostnaðarmat vegna verkefnisins.
Leifur segir að mikilvægt sé að halda því til haga að vandamálið varðandi bíla í eigu og á vegum Auto ehf. innan bæjarmarka Akureyrarbæjar undanfarin ár sé ekki til komnir vegna skorts á geymslusvæðum á vegum bæjarins eða annarra sveitarfélaga. „Þar ber fyrirtækið sjálft ábyrgð og engin annar.“
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
