20. nóvember - 27. nóvember - Tbl 47
Aurskriða féll á hús við Skálabrekku á Húsavík
Eins og sjá má rann drulla lang niður með götum í Skálabrekku. Mynd/epe
Íbúar í þremur húsum við Skálabrekku á Húsavík yfirgáfu heimili sín í nótt vegna aurskriðu sem féll á eitt þeirra. Mbl.is greindi fyrst frá.
Viðbragðsaðilum barst tilkynning um miðnættið í gærkvöldi en mikið rigningarveður hefur verið á Húsavík undan farna daga.
Kristján Ingi Jónsson, varðstjóri hjá slökkviliðinu á Húsavík segir í samtali við Vikublaðið að það hafi farið bæði vatn og aur inn í húsið sem varð mest fyrri barðinu á skriðunni.
„Það fór aðeins inn í húsið en við náðum nú að hreinsa það mesta upp, en leiðinlegast var að það var svolítið af aur sem barst með inn í húsið. En þegar drullan var farin þéttast upp að húsinu, þá virtist það halda að einhverju leiti á móti vatninu. Síðan komum við með gröfur og grófum rásir bæði ofan við og sitthvoru megin niður með því. Það létti álaginu á húsinu,“ segir hann.
Íbúar komnir heim
Hreiðar Hreiðarsson varðstjóri hjá lögreglunni á Húsavík segir að íbúar séu komnir heim til sín aftur en íbúar þriggja húsa hafi í samráði við viðbragðsaðila flutt sig annað í nótt. ,,Raunverulega var rýmingin innan gæsalappa, við mæltumst þó til þess og það var sameiginleg ákvörðun okkar og íbúa í þremur húsum að af því þetta var gangi þarna í nótt og svarta myrkur og erfitt að átta sig á hvaðan þetta væri ættað. Þá voru íbúar í þremur húsum tilbúnir til að færa sig um set í nótt. Þeir eru svo allir komnir heim til sín núna,“ útskýrir Hreiðar og bætir við að ástandið hafi verið orðið stöðugt um fjögur í nótt og nú sé komin skýring á hvað olli skriðunni.
Óttuðust að brekkan færi öll af stað
„Við vorum mest uggandi yfir því að brekkan væri hreinlega orðinn eins og svampur og væri áleiðinni niður en þetta var bara svo staðbundið í einum vatnsskurði niður að einum húsanna. Síðan var bara grafin rás fram hjá því og vatnið fór bara sína leið,“ segir hann en svæðið var myndað með drónum í morgun og þá hafi skýringin komið í ljós.
Göngustígur rofnaði
„Síðan kemur í ljós í morgun þegar svæðið var drónamyndað að göngustígurinn þvert í gegn um skóginn þarna ofan við að það er búið að rigna svo mikið undan farið að stígurinn virkar bara eins og stíflugarður. Vatnið ofan af melnum það safnast ofan við stíginn í stóran drullupoll, síðan þegar rennur yfir stíginn þá grefst hann í sundur og tæmir alveg beint þarna ofan í Þórðarstaði. Þannig að þetta er alveg staðbundinn atburður,“ segir Hreiðar og bætir við að þetta sé bara afleiðing af rigningu síðustu daga sem hefur náð að safnast þarna fyrir ofan við göngustíginn.
.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
