Dagskráin 12. febrúar - 19. febrúar Tbl 6
Arctic Therapeutics fær 4 milljarða fjármögnun
Á myndinni má sjá Áslaugu Ásgeirsdóttur, rektor HA, Ívar Hákonarson, forstjóra, Olgu Ýr Björgvinsdóttur, forstöðumann rannsóknarstofa og Sigríði Katrínu Magnúsdóttur, gæðastjóra, hjá ATx.
Frá stofnun hefur íslenska erfða- og líftæknifyrirtækið Arctic Therapeutics verið í góðu samstarfi við Háskólann á Akureyri (HA) og er starfseining fyrirtækisins á Akureyri staðsett á háskólasvæðinu. Samstarfið felst meðal annars í því að ATx hefur aðgang að rannsóknaraðstöðu skólans og sú nálægð hefur leitt til fjölmargra rannsókna og verkefna. Stúdentar HA hafa átt þess kost að vinna með ATx í rannsóknarverkefnum og í kjölfarið fengið störf hjá fyrirtækinu. Þá hafa HA og ATx einnig sameinast um að kynna rannsóknir sínar á Vísindavöku, sem hefur gengið gríðarlega vel. Samstarfsyfirlýsing liggur fyrir milli HA og ATx til ársins 2026, sem undirstrikar mikilvægi samstarfsins og framtíðaráforma fyrirtækisins á Akureyri.
„Þetta samstarf hefur reynst okkur afar dýrmætt. Að hafa á svæðinu jafnöflugt fyrirtæki og ATx er orðið í dag er eitt og sér jákvætt. Sú staðreynd, að með nálægðinni hefur myndast færi á samvinnu við stúdenta í skólanum í rannsóknarverkefnum, er nær ómetanleg. Þá er einkar ánægjulegt að heyra að stúdentar frá HA hafi farið í störf hjá fyrirtækinu og sýnir það mikilvægi okkar námsleiðar í líftækni sem er einstök á landinu,” segir Áslaug Ásgeirsdóttir, rektor skólans Háskólans á Akureyri.
Á dögunum tryggði ATx sér 4 milljarða króna fjármögnun frá breiðum hópi innlendra og erlendra fjárfesta. Fjármagnið mun styðja áframhaldandi þróun lyfja félagsins, sérstaklega í baráttunni gegn heilabilun og húðbólgusjúkdómum. Þetta er stór áfangi fyrir ATx og styrkir stöðu þess á alþjóðlegum vettvangi.
Við óskum ATx til hamingju með árangurinn og hlökkum til áframhaldandi samstarfs.
Þá er vert að benda á að fimmtudaginn, 27. febrúar næstkomandi, munu fulltrúar ATx mæta á Nýsköpunarkaffi og segja frá ferlinu. Frekari upplýsingar um viðburðinn má nálgast hér.
Nýjast
-
Norlandair heldur ekki áfram áætlunarflugi til Húsavíkur
Norlandair hyggst ekki halda áfram áætlunarflugi til Húsavíkur eftir að samningstíma milli félagsins og ríkisins um flug til Húsavíkur lýkur þann 15. mars næstkomandi. -
Skoða biðsvæði fyrir leigubíla í miðbæ Akureyrar
„Við höfum fengið fyrirspurnir um bílastæði fyrir leigubíla í bænum,“ segir Pétur Ingi Haraldsson skipulagsfulltrúi á Akureyri -
Byggðaráð Norðurþings samþykkir bókun um stöðu sjúkraflugs vegna lokana á flugbrautum á Reykjavíkurflugvelli
Byggðarráð Norðurþings samþykkti á fundi sínum í dag eftirfarandi bókun í ljósi stöðu þeirrar. sem uppi er vegna lokana á flugbrautum á Reykjavikurflugvelli. -
Fæðuöryggi – Er það eitthvað mál?
Hvað er fæðuöryggi (Food security)? Stutta skilgreiningin er ,,Aðgengi að fæðu og framboð af heilnæmum og öruggum matvælum." Sú skilgreining sem mest er notuð í dag og samþykkt árið 1996 á leiðtogafundi um fæðuöryggi í heiminum segir: ,,Fæðuöryggi er til staðar þegar allt fólk hefur ávallt raunverulegan og efnahagslegan aðgang að nægum, öruggum og næringaríkum matvælum til að uppfylla næringarþarfir sínar með frjálsu fæðuvali, til að geta lifað virku og heilsusamlegu lífi.” -
Arctic Therapeutics fær 4 milljarða fjármögnun
Frá stofnun hefur íslenska erfða- og líftæknifyrirtækið Arctic Therapeutics verið í góðu samstarfi við Háskólann á Akureyri (HA) og er starfseining fyrirtækisins á Akureyri staðsett á háskólasvæðinu. Samstarfið felst meðal annars í því að ATx hefur aðgang að rannsóknaraðstöðu skólans og sú nálægð hefur leitt til fjölmargra rannsókna og verkefna. Stúdentar HA hafa átt þess kost að vinna með ATx í rannsóknarverkefnum og í kjölfarið fengið störf hjá fyrirtækinu. Þá hafa HA og ATx einnig sameinast um að kynna rannsóknir sínar á Vísindavöku, sem hefur gengið gríðarlega vel. Samstarfsyfirlýsing liggur fyrir milli HA og ATx til ársins 2026, sem undirstrikar mikilvægi samstarfsins og framtíðaráforma fyrirtækisins á Akureyri. -
Skálabrún og Húsheild/Hyrna kaupa Viðjulund 1
Skálabrún (100% dótturfélag KEA) og Húsheild Hyrna hafa keypt fasteignir og lóð við Viðjulund 1 á Akureyri. Á þeirri lóð hefur verið samþykkt nýtt deiliskipulag þar sem gert er ráð fyrir rúmlega 6.000 fm byggingarmagni og stefnt er að því að þar verði 40-50 íbúðir í tveimur fjölbýlishúsum sem verða 5 og 6 hæða. -
Akureyri - Heildarálagning fasteignagjalda er 6.444 milljónir króna
Heildarálagning fasteignagjalda ársins á Akureyri fyrir árið 2025 er 6.444 milljónir króna, þar af er fasteignaskattur 3.817 milljónir, lóðarleiga er 840 milljónir, vatnsgjald 479 milljónir króna, fráveitugjald 768 milljónir og sorphirðugjald 540 milljónir króna. Þetta kemur fram á vefsíðu Akureyrarbæjar. -
Akureyrarbær og Rauði krossinn - Samningur um söfnun á textíl
Skrifað hefur verið undir samning milli Akureyrarbæjar og Rauða Krossins við Eyjafjörð um söfnun textíls í bæjarlandinu. Nú er skylt lögum samkvæmt að halda úti sérstakri söfnun á textíl. -
Í bláum skugga á 112 deginum
112 dagurinn er haldinn 11 febrúar ár hvert og má segja að það hafi ekki farið framhjá bæjarbúum i gær.
