20. nóvember - 27. nóvember - Tbl 47
„Alltaf ánægjulegt að skila einhverju til baka“
Pétur Helgi (til hægri), altmulígtmaður á Hvammi tekur á móti Aðalgeiri Sævari í vikunni. Myndir/Lilja Hrund.
Starfsfólk og heimilisfólk á dvalarheimilinu Hvammi á Húsavík fengu á dögunum árlegan glaðning frá veitingastaðnum Fish & Chips þegar Aðalgeir Sævar Óskarsson, einn eigenda staðarins kom færandi hendi með dýrindis fiskimáltíð.
Fish & Chips er fjölskyldufyrirtæki sem hefur séð heimafólki og ferðamönnum fyrir þessum þjóðarrétti Breta frá opnun staðarins árið 2010. Staðurinn er starfræktur á hafnarsvæðinu á Húsavík og hefur verið opinn á sumrin. Strax eftir fyrstu vertíðina ákváðu þeir bræður Jón og Aðalgeir Sævar Óskarssynir, eigendur staðarins að láta gott af sér leiða.
„Þetta er hugmynd sem Jón bróðir minn fékk á sínum tíma. Við gerðum þetta eftir lokun 2010. Þá vildum við gera eitthvað fyrir fólkið okkar og þetta varð lendingin. Það var svo mikil ánægja með þetta í fyrsta skiptið að við ákváðum að halda þessu áfram og höfum gert þetta á hverju ári við vetrarlokun hjá okkur,“ segir Aðalgeir Sævar.
Vel heppnað sumar
Hann segir að það sé alltaf ánægjulegt að skila einhverju til baka eftir vel heppnað sumar. „Þetta er búið að ganga mjög vel í sumar og sumrin eru farin að teygja sig út október hjá okkur. Við náum að fylgja hvalaskoðunartímabilinu, þegar þau hafa verið að teygja sig inn á haustið, þá er fólk enn að koma til okkar,“ segir Aðalgeir Sævar og bætir við að ferðaþjónustutímabilið sé sífellt að lengjast á svæðinu.
„Það er klárlega að lengjast, Við höfum verið að taka eftir því núna að það er bara fleira fólk að koma til okkar á haustmánuðum og við erum líka að sjá miklu fleira ferðafólk í bænum á haustin heldur en var fyrir örfáum árum síðan. Tímabilið er klárlega að breytast og lengjast. Hvalaskoðunarfyrirtækin segja það sama. Það er bara ótrúlegur fjöldi fólks á ferðinni á haustin. Fólk sem er ekki einu sinni búið að bóka sig heldur á bara leið hjá og kíkir í hvalaskoðun. Verandi neðan við bakkann, njótum við góðs af þessari umferð í auknum mæli. Það sem hjálpar okkur líka eru þessar lokanir hjá öðrum veitingastöðum eftir sumarvertíðina. Þá er þetta ferðafólk að dreifast á færri staði,“ segir Aðalgeir Sævar.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
