Allir fara heim með afla og bros á vör
mth@vikubladid.is
„Sumarveiðin fer vel af stað í ár þó svo að veðrið hafi ekki verið upp á marga fiska. Það breytist nú vonandi á næstu dögum. Undanfarin tvö sumur hafa verið mjög góð og ég hef fulla trúa á því að það verði hörku traffík hjá okkur í sumar,“ segir Gunnar Blöndal sem rekur félagið Víkurlax við Ystu Vík i Grýtubakkahreppi. Þar er hægt að renna fyrir regnbogasilung og bleikju í tjörnum í fallegu umhverfi.
Félagið Víkurlax var stofnað árið 1994 og er staðsett við Ystu Vík í Grýtubakkahreppi. Félagið einbeitir sér að landeldi og hafa eigendur byggt allt svæðið upp sjálfir um árin, m.a. tjarnirnar.
Félagið Víkurlax var stofnað árið 1994 og var í framleiðslu á eldisfiski bæði á landi og sjó, en einbeitir sér nú eingöngu að landeldi og kemur það vel út. „Við erum að ala upp fisk bæði í kerjum og tjörnum,“ segir Gunnar, en öll aðstaða hjá Víkurlaxi hafa eigendur útbúið sjálf um árin, þar á meðal tjarnirnar. Framleiðslan fer ýmist í sumarveiðina eða fisk sem unnin er hjá fyrirtækinu, en hann er reyktur og seldur til veitingastaða, í verslanir og til einstaklinga.
Einungis greidd fyrir veiddan fisk
Gunnar segir að fyrirkomulag framleiðslunnar sé með þeim hætti að þeir fái um 5 til 10 gramma seiði til sín og ali þau upp í 2 til 3ja kílóa fiska. „Við erum með sjálfrennandi vatn sem rennur úr fjöllunum hér í kringum okkur þannig að hitastigið á vatninu í stöðinni er frekar breytilegt. Við notum engin sýklalyf og höfum aldrei gert þannig að við bjóðum upp á holla og góða vöru, enda hefur öll okkar framleiðsla verið uppseld í mörg ár,“ segir hann.
Byrjað var að bjóða upp á sumarveiði árið 1996 og hefur hún farið vaxandi með hverju árinu. Gunnar segir að ólíkt flestum fyrirtækjum í ferðaþjónustu hér á landi komi einkum innlendir ferðamenn til að spreyta sig á veiðiskapnum. Einungs er greitt fyrir veiddan fisk og er boðið upp á stangir, beitu og flökun á aflanum veiðifólki að kostnaðarlausu. „Ég er nokkuð viss um að þetta er eini veiðistaðurinn í heiminum sem býður upp á slíka þjónustu,“ segir hann.
Skemmtilegast að sjá þá sem koma ár eftir ár
Einungs er greitt fyrir veiddan fisk og er boðið upp á stangir, beitu og flökun á aflanum veiðifólki að kostnaðarlausu.
Mikil ánægja hefur verið með sumarveiðina allt frá því hún hófst fyrir 25 árum síðan og segir Gunnar virkilega gaman að taka á móti öllum þeim fjölda sem lagt hefur leið sína til Víkurlax. „Til okkar koma veiðimenn á öllum aldri. Skemmtilegast er að sjá þá sem koma ár eftir ár, fastagestina okkar. Sumir þeirra komu jafnvel fyrst sem krakkar með sínum foreldrum og mæta nú með sín börn til að gefa þeim kost á að upplifa það sama. Allir eiga það sameiginlegt að fara frá okkur með afla og bros á vör.“
Gunnar segir að einna ánægjulegast hafi verið að fá tækifæri til að vinna með sonum sínum, Magnúsi og Orra, einkum yfir sumartímann þegar veiði stendur sem hæst en þá koma strákarnir og aðstoða föður sinn við reksturinn. „Núna eru afastrákarnir mínir Pétur Breki og Uni Steinn að vinna með mér, það má því segja að þetta sé sannkallað fjölskyldufyrirtæki sem hefur gefið okkur mikið,“ segir hann.
Opið er hjá Víkurlax alla daga frá kl. 11 til 19 fram í lok ágúst.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
