Afhentu bæjarstjóra undirskriftalista
Þriðjudagsmorguninn 24. september fór hópur einstaklinga sem tilheyra óformlega samstöðuhópnum „Samstaða með Palestínu - Akureyri“ á fund við bæjarstjóra Akureyrar, Ásthildi Sturludóttur. Þetta kemur fram í tilkynningu frá samstöðuhópnum.
Tilefnið var að afhenda henni undirskriftalista sem einn úr hópnum, Guðjón Magnússon, hafði staðið fyrir í sumar inn á Ísland.is. Undirskriftarlistinn er ákall til Akureyrarbæjar að hætta með fjármálatæknifyrirtækið Rapyd sem færsluhirði bæjarins.
Undir það skrifuðu alls 1.039 einstaklingar. Í tilkynningunni segir að fjöldi ástæðna sé fyrir því að eiga ekki í viðskiptum við Rapyd og má lesa um þær hér.
Í tilefni af afhendingunni á undirskrifalistanum sagði Guðjón nokkur orð.
„Frú bæjarstjóri. Þakka þér fyrir að gefa mér (og okkur í hópnum) þetta tækifæri til að opna umræðuna um málefni sem ég hef trú á að skipti æ meira máli í samfélaginu okkar sem og í alþjóðasamfélaginu öllu. Í dag vil ég vekja athygli á og hefja samtal um sniðgöngu á Rapyd, fjármálatæknifyrirtæki sem, þrátt fyrir alþjóðalega starfsemi, hefur sætt gagnrýni og spurningum varðandi siðferðileg álitamál í viðskiptaháttum sínum og starfsemi. Ítök Rapyd á staðbundinn efnahag, meðal annars okkar hér á Akureyri, hefur vakið upp spurningar varðandi gegnsæi, ábyrgð fyrirtækja og sanngirni í fjármálaviðskiptum. Þótt að fjármálatæknifyrirtæki eins og Rapyd spili stórt hlutverk í að einfalda færslur og veiti þægindi, þá verðum við að skoða það hvort starfsemi þeirra samræmist þeim gildum sem við viljum halda í heiðri. Í leit okkar að sjálfbærni, sanngirni og fjárhagslegu réttlæti þá eigum við að íhuga það að sniðganga fyrirtæki sem fara ekki eftir þessum gildum. Frásagnir hafa komið upp á yfirborðið sem að tengja Rapyd við vafasama viðskiptahætti, þeirra á meðal hafa vaknað uppi spurningar um friðhelgi notenda, skort á gagnsæi í gjaldtöku og vafasöm viðskiptatengsl , sér í lagi við Ísraelsher og yfirstandandi árásir þeirra og þjóðarmorðs á íbúum Palestínu. En þess ber að geta að nú er til umræðu á Alþingi þingályktunartillaga þess efnis að Alþingi feli ríkisstjórn Íslands að beita sér fyrir alþjóðlegum viðskiptaþvingunum gagnvart Ísrael vegna þjóðarmorðsins í Palestínu. Í ályktuninni segir einnig að ríkjum heims beri að setja viðskiptaþvinganir gegn fyrirtækjum og einstaklingum sem hagnast á hernáminu og þeim sem taka þátt í því. Í vegferð okkar að því að Akureyri verði áfram samfélag sem leggur áherslu á siðferðislega viðskiptahætti, þá er nauðsynlegt að við styðjum við fyrirtæki sem endurspegla gildi okkar um sjálfbærni, sanngirni og fjárhagslegt réttlæti. Sniðganga á Rapyd sendir sterk skilaboð að við sem bæjarfélag leggjum meiri áherslu á heilindi en þægindi. Það hvetur fyrirtæki til að starfa á þann veg sem styður við réttindi og hag neytanda og stendur með þeim gildum sem við sem samfélag leggjum áherslu á. Ég hvet þig, frú bæjarstjóri, og bæjarstjórnina, til að hefja umræður um þetta mál. Stöndum saman í að styðja við sanngjarnan og gagnsæan staðbundinn efnahag þar sem við getum með stolti sagt að við styðjum við fyrirtæki sem fjárfesta í velsæld samfélags okkar. Við þökkum fyrir áheyrnina og umhugsunina.“
Ásthildur tók við listanum og sagðist mundu leggja hann fyrir bæjarstjórn. Það er ósk okkar og von að það muni gerast sem fyrst.
Nýjast
-
Rúmlega 9 milljónir til rannsóknar á stöðu úkraínskra kvenna á vinnumarkaði
Nýverið hlaut Rannsóknamiðstöð Háskólans á Akureyri (RHA), styrk frá Nordic Gender Equality Fund að upphæð 450.000 DKK. -
Samstarf Slippsins Akureyri og Grænafls ehf. í orkuskiptum smábáta
Samstarfssamningur hefur verið undirritaður milli Slippsins Akureyri og Grænafls ehf. á Siglufirði um þróunarverkefni í orkuskiptum smábáta þar sem markmiðið er að núverandi vélbúnaði fiskibáta sem brenna olíu verði skipt út og í hans stað komi rafmagnsbúnaður eða blendingsvélbúnaður (hybrid). Grænafl ehf. hefur á undanförnum misserum unnið að verkefninu með framleiðendum slíks búnaðar í Suður-Kóreu og er samstarfssamningurinn við Slippinn Akureyri liður í viljayfirlýsingu sem er fyrirliggjandi og Korean Maritime Institute leiðir fyrir hönd kóreskra samstarfsaðila. -
Keðjusagarlistamaðurinn Jirí gerð tréskúlptúrinn Skógræktandann í Kjarnaskógi
Skógræktandinn er nýtt verk sem unnið var í Kjarnaskógi af tékkneskum keðjusagarlistamanni, Jirí Ciesler. Sá var á ferðinni á Akureyri til að heilsa upp á son sinn, Mates Cieslar sem starfar hjá Skógarmönnum. Þeir litu við í kaffisopa hjá Skógaræktarfélagi Eyfirðinga í Kjarnaskógi og var fast mælum bundið eftir sopann að nauðsynlegt væri að til væri verk eftir Jirí á Íslandi. -
Gestir frá kínverskum háskóla
Í gær heimsótti skólann sendinefnd frá Ningbo-háskóla í Kína. Sá háskóli er samstarfsháskóli HÍ og á hverju ári fara skiptinemar frá HÍ þangað. Með í för voru tveir starfsmenn frá Konfúsíusarstofnun, þau Magnús Björnsson forstöðumaður Konfúsíusarstofnunar og Þorgerður Anna Björnsdóttir kínverskukennari Konfúsíusarstofnunar á Akureyri. -
Afhentu bæjarstjóra undirskriftalista
Þriðjudagsmorguninn 24. september fór hópur einstaklinga sem tilheyra óformlega samstöðuhópnum „Samstaða með Palestínu - Akureyri“ á fund við bæjarstjóra Akureyrar, Ásthildi Sturludóttur. -
Frá sjómennskunni á Raufarhöfn í sjávarútvegsfræði
Háskólinn á Akureyri er kominn á fullt og aldrei hafa fleiri stúdentar verið við nám í skólanum. Það sést glögglega á göngum HA þar sem ekki er þverfótað fyrir fólki að vinna, bæði í hóp- og einstaklingsverkefnum. Staðreyndin er sú að margir stúdentar kjósa að stunda nám sitt á staðnum, mæta í kennslustundir og nýta sér aðstöðu háskólans. Þá mæta enn fleiri í lotur sem haldnar eru á staðnum reglulega yfir skólaárið. -
SSNE um Fljótagöng Brýn þörf á að flýta undirbúningi
Stjórn SSNE hefur skorað á stjórnvöld að bregðast umsvifalaust við þeirri stöðu sem komin er upp á Tröllaskaga vegna nýafstaðinna atburða í kjölfar mikillar úrkomu. Brýn þörf er á að flýta undirbúningi Fljótaganga og tryggja þannig öryggi vegfarenda fyrir Tröllaskaga. -
Þingeyjarsveit Tækifæri á að fjölga óstaðbundnum störfum
Mikil tækifæri í fjölgun óstaðbundinna starfa eru fyrir hendi í Þingeyjarsveit. Góð aðstaða er til staðar í Gíg í Mývatnssveit og nýju stjórnsýsluhúsi á Laugum. Einnig er aðstaða fyrir óstaðbundin störf á Stórutjörnum. -
Vel heppnað filippseyskt matar- og skemmtikvöld hjá starfsmannafélagi Útgerðarfélags Akureyringa
Starfsfólk Útgerðarfélags Akureyringa og gestir skemmtu sér konunglega sl. laugardagskvöld í matsal félagsins. Starfsmannafélag Útgerðarfélags Akureyringa ( STÚA) efndi til filippseysks matar- og skemmtikvölds en hjá ÚA starfa nærri þrjátíu manns sem rekja uppruna sinn til Filippseyja.
