Af hröfnum og Flókum - Spurningaþraut #7
Hvað heitir þessi karl?
Spurningaþraut Vikublaðsins #7
Hér er spurt um all milli himins og jarðar.
-
Hvað heitir alvarlegi karlinn hér að ofan?
-
Bluetooth er nýmóðins tækni sem flest þekkja í dag, en við hvern er þessi tækni kennd?
-
Hvaða fyrirbæri er á bakhlið íslensku fimmtíkróna myntarinnar?
-
Að horfa á enska fótboltann er góð skemmtun. Enska úrvalsdeildin nýtur gríðarlegra vinsælda um heim allan en hvaða lið hefur nú þegar tryggt sér sigur í næst efstu deild (e. championship) karlaboltans þar í landi og þar með þátttökurétt í deild hinna bestu á næsta tímabili?
-
Hver er framkvæmdastjóri Samtaka sveitarfélaga & atvinnuþróunar á Norðurlandi eystar (SSNE)?
-
Alfreð Flóki Nielsen er þekkt nafn í listaheiminum á Íslandi en við hvaða listgrein fékkst hann?
-
Og meira um Flóka. Hrafna-Flóki Vilgerðarson var norskur víkingur sem nam land á Íslandi fyrir margt löngu. Viðurnefnið fékk hann vegna hrafna sem hann hafði með sér á siglingu frá Færeyjum og notaði þá til að vísa sér til Íslands. Hvað voru hrafnarnir margir?
-
Joe Biden er karl á besta aldri en hann gegnir embætti forseta Bandaríkjanna og hefur gefið það út að hann sækist eftir endurkjöri í forsetakosningunum á næsta ári. En hvað heitir eiginkona hans?
-
Jökulsárlón á Breiðamerkursandi er dýpsta stöðuvatn á Íslandi, 260 m. en hvaða vatn er næst dýpst?
-
Diljá Pétursdóttir flytur lagið Power fyrir Íslands hönd í Eurovision sem fram fer í Liverpool í vikunni. En hvaða land sigraði í keppninni á síðasta ári?
Aukaspurning:
Hvað er karlinn á myndinni hér að neðan
---
Svör
- Sigmund Freud.
- Harald Blátönn sem var konungur yfir Danmörku og raunar Noregi líka um tíma á 10. öld.
- Bogkrabbi einnig kallaður strandkrabbi, krabbi eitt og sér dugar ekki.
- Burnley, en þar leikur íslenski landsliðsmaðurinn Jóhann Berg Guðmundsson.
- Albertína F. Elíasdóttir.
- Hann var fyrst og fremst teiknari en myndlistamaður er að sjálfsögðu rétt.
- Þeir voru þrír. Sá fyrsti sem hann sleppti flaug beint aftur til Færeyja, annar flaug beint upp í loft og sneri svo aftur um borð, sá þriðji flaug fram um stafn og þá vissi Flóki að hann var að nálgast land.
- Jill Biden.
- Öskjuvatn, 220 m.
- Úkraína.
Aukaspurning:
Þetta er ungur Joseph Stalin.
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
