30. október - 6. nóember - Tbl 44
Aðgerða er þörf og það sem fyrst
Þingmenn Framsóknar í Norðausturkjördæmi, Ingibjörg Isaksen og Þórarinn Pétursson héldu fund með bændum á Hrafnagili í fyrrakvöld. Sú alvarlega staða sem bændur standa frammi fyrir endurspeglaðist í mjög góðri aðsókn, en vel var mætt til fundar.
„Í mínum huga liggur það í augum uppi að aðgerða er þörf og það sem allra fyrst. Við bindum miklar vonir við að hópur ráðuneytisstjóra sem vinnur að málinu skili raunhæfum tillögum á næstu vikum,“ segir Ingibjörg Isaksen alþingimaður en hún og samfélagi hennar í Framsóknarflokki í Norðausturkjördæmi, Þórarinn Pétursson héldu fund með bændum á Hrafnagili í fyrrakvöld. Sú alvarlega staða sem bændur standa frammi fyrir endurspeglaðist í mjög góðri aðsókn, en vel var mætt til fundar.
„Bændur eru orðnir þreyttir á plástrum og þeir vilja kerfi sem virkar, kerfi sem byggir undir að þeir geti stundað sjálfbæran rekstur en að ekki verði nú líka og oft áður lagt til að greiddir verði út styrkir í eitt skipið enn,“ segir Ingibjörg.
Bráðaaðgerðir fyrst
Á fundinum var lögð áhersla á að vinna þurfi að bráðaaðgerðum sem þurfi að koma til sem fyrst svo hægt sé að bregðast við stöðu þeirra sem verst eru staddir. Aðrar aðgerðir kæmu í framhaldinu. Lánakjör er eitt þeirra atriði sem rætt var, þ.e. að bændur geti endurfjármagnað lán sín til lengri tíma og á lágum vöxtum og er horft til Byggðarstofnunar í þeim efnum. Þá bar hlutdeildarlán á góma, að aukið fjármagn væri sett inn í slík lán til auðvelda ungu fólki að takast á við búreksturinn.
Tollavernd er að sögn Ingibjargar mikilvægt innlendri matvælaframleiðslu. „Samkeppni við innflutning þarf að vera á réttum og sanngjörnum forsendum. Það verður að gera sömu kröfur til innfluttra matvæla líkt og við gerum hér með tilliti til sýklalyfjanotkunar, aðbúnaðar dýra og fleiri atriða,“ segir Ingibjörg.
Eitt af því sem einnig var nefnt á fundinum var rafmagnsverð og að raforkuverð væri mun hærra í dreifbýli en þéttbýli. Þó stjórnvöld hafi niðurgreitt dreifikostnað hafi skapast bil þar á milli sem ekki næst að brúa. „Það er mikilvægt að skoða þetta enn frekar svo jafnt gangi yfir þá sem búa á dreifbýlum og köldum svæðum,“ segir hún og nefnir einnig mikilvægi þess að koma upp 3ja fasa rafmagni um allt land.
Staðan aldrei þyngri en nú
„Staða bænda hefur oft verið þung og þeir gengið í gegnum sveiflur í sínum rekstri, en ég held hún hafi aldrei verið þyngri en einmitt nú. Það er svo komið að bú sem áratugum saman hafa verið í góðri stöðu standa frammi fyrir mjög erfiðri stöðu og sum komin að þeim mörkum að vera vart rekstrarhæf. Þar setja gríðarmiklar hækkanir á öllum aðföngum strik sitt í reikninginn og einnig hækkandi vextir hér á landi sem gera að verkum að margir ráða ekki lengur við afborganir,“ segir Ingibjörg. „Þeir atburðir sem orðið hafa í heiminum undanfarin misseri sýna okkur hversu mikilvægt fæðuöryggi er fyrir okkur sem þjóð á eyju í Norður-Atlantshafi. Það er mikið í húfi að við komust úr því öngstræti sem við erum í. Matvælaframleiðsla hér á landi er öryggismál og hún er líka byggðamál.“
Nýjast
-
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug. -
Sálfræðingur með merkan feril í Fantasy Premier League að baki
Vísindafólkið okkar — Árni Gunnar Ásgeirsson Vísindafólkið okkar er mánaðarleg kynning á vísindafólkinu okkar. Árni Gunnar Ásgeirsson, deildarforseti Sálfræðideildar, er vísindamanneskjan í október. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega. -
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri.
