20. nóvember - 27. nóvember - Tbl 47
Að verða gamall og komast upp með það
Egill P. Egilsson skrifar
Þegar ég var unglingur fannst mér fátt asnalegra en miðaldra fólk, enda alin upp af miðöldruðustu foreldrum sem sögur fara af.
Ég man að ég strengdi þess heit á þessum tíma að miðaldra hallærið skildi aldrei koma fyrir mig. Alla tíð síðan hefur mér þótt vel takast til enda með eindæmum svalur þótt aldurinn bendi til miðöldrunar, eða svo hélt ég.
Í haust byrjaði ég að kenna í Borgarhólsskóla á Húsavík og er mest með unglingum. Eins og við vitum, þá finnst unglingum fátt hallærislegra en miðöldun. Þetta gæti þó ómögulega átt við um mig, enda hlusta ég enn á pönk og les Stephen King.
Þarna lenti ég hin vegar á ákveðnum vegg og verð steinhissa í hvert sinn sem ég spyr krakkanna hvort þau muni eftir einhverju sem mér þykir alveg ótrúlega merkilegt. Eitthvað sem vitanlega gerðist löngu áður en þau fæddust.
Það skal tekið fram að ég hef ekkert gert skemmtilegra á ævinni en að kenna unglingum. Engu að síður hafa krakkarnir ekki farið leynt með það að ég sé miðaldra og eftir forskriftinni ákaflega hallærislegur. Ég hef líka komist að því að ég er alveg þræl sköllóttur, ég sem hélt að ég væri bara með smávægileg kollvik. En veruleikinn er harður húsbóndi.
Ég sem alltaf hef verið að bíða eftir því að verða fullorðinn horfði þarna framan í nýtt og krefjandi hlutskipti. Það er eitt að vera miðaldra en þarna hefði ég hæglega geta orðið viðkvæmur og vandræðalegur miðaldra karlmaður. En ég valdi aðra leið, ég hef tekið miðöldrun minni og fagnað henni og hyggst nú gera hana að mínum ríkjandi persónuleika. Það er jú fátt fyndnara en hin hallærislega miðöldrun íslenskra karlmanna; jú kannski elli brjálæðið, sem ég hlakka óstjórnlega mikið til.
Það er nefnilega svo fyndið að gamalt fólk, og þá á ég við mjög gamalt. Það kemst upp með svo margt skemmtilegt.
Ég man til dæmis eftir því frá unglingsárunum, þá vann einn af vinum mínum í KÞ Matbæ á Húsavík, matvöruverslun bæjarins. Vinur minn sagði mér frá því að það skemmtilegasta sem hann lenti reglulega í í vinnunni væri þegar öldruð kona koma inn í búðina. Hún kom mjög reglulega og var mjög öldruð. Svo öldruð var hún að eflaust hafði hún vanist á gömlu nýlenduverslanirnar, þar sem vörur voru allar afgreiddar yfir afgreiðsluborð.
Það var ekki að spyrja að þeirri gömlu. Hún kom í búðina, stillti sér ábúðarfull upp úti á miðju gólfi og hóf að hrópa hástöfum innkaupalistann sinn. Svo stóð hún bara á miðju gólfinu á meðan vinur minn hljóp út um alla búð og fyllti á körfuna henna. Vinur minn var alltaf sérstaklega glaður eftir slíka vinnudaga.
Þetta er mín helsta tilhlökkun í mínu miðaldra lífi; að verða eldgamall og standa úti á miðju gólfi í Nettó, öskra innkaupalistann minn á erlendu tungumáli og komast upp með það.
Egill P. Egilsson
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
