20. nóvember - 27. nóvember - Tbl 47
Að forðast samtalið
Ragnar Sverrisson, kaupmaður.
Ragnar Sverrisson skrifar
Svo bregðast krosstré sem önnur tré. Bæjarstjórn Akureyrar lét sig hafa það í vor að samþykkja einhliða og án samráðs við bæjarbúa afdrifaríkar breytingar á skipulagi miðbæjarins frá árinu 2014. Í framhaldinu vonuðu margir í bænum að Skipulagsstofnun gerði alvarlegar athugasemdir við vinnubrögðin sem þar voru viðhöfð. Þær væntingar byggðust á því að löggjafinn tók skýrt fram í skipulagslögum á sínum tíma að stofnuninni væri falið að “tryggja (að) samráð sé haft við almenning við gerð skipulagsáætlana þannig að honum sé gefið tækifæri til að hafa áhrif á ákvörðun stjórnvalda við gerð slíkra áætlana,” eins og segir í 1. grein. Þetta er síðan margendurtekið í lögunum og því algjörlega skýrt að stofnuninni ber að kanna hvort slíkt samráð hafi farið fram í raun, hvort heldur um er að ræða allsherjar breytingar á deiliskipulagi (eða aðalskipulagi) eða á einstökum greinum þess sem í gildi er hverju sinni. Þegar nú liggur fyrir að Skipulagsstofnun samþykkti umræddar breytingar án þess að gera nokkrar efnislegar athugasemdir við þær eða hin dæmalausu vinnubrögð bæjarstjórnar við gerð þeirra er augljóst að stofnunin hefur brugðist eftirlitshlutverki sínu að tryggja að samráð sé ávallt haft við almenning. Svo er að sjá að stofnun láti sig litlu varða þá staðreynd að bæjarstjórnin gerði ekki minnstu tilraun til að útskýra fyrir bæjarbúum hvað liggi að baki afdrifaríkum breytingum frá skipulaginu 2014. Virðist vera slétt sama.
Kæra eigin bæjarfulltrúa
Það er eins og löggjafinn hafi reiknað með að slík óyndisstaða gæti komið upp og því ástæða til að tryggja enn frekar að eðlilegt samráð sé ávallt haft við almenning í málum eins og þessu. Alþingi setti því á stofn “Úrskurðarnefnd umhverfis- og auðlindamála.” Þangað hafa nú fyrirtæki, félög og einstaklingar á Akureyri leitað og kært ofangreindar breytingar á skipulagi miðbæjarins. Sem sagt: Þegar allt um þraut þurftu bæjarbúar að kæra eigin bæjarfulltrúa og stofnunina sem átti að hafa auga með þeim og gera með því úrslitatilraun til að fá opið samtal um breytingarnar eins og löggjafinn leggur áherslu á að ætíð sé gert. Í slíkum samræðum gætu bæjarfulltrúar fært opinberlega rök fyrir breytingum, sem þeir hafa aldrei gert í þessu tilviki, bæjarbúum gæfist ennfremur kostur á að koma með athugasemdir sem yrðu vegnar og ræddar en ekki stungið undir stól eins og gert var. Ef allt væri með felldu hefði síðan verið komist að sameiginlegri niðurstöðu eins og í aðdraganda samþykktar bæjarstjórnar um sama mál árið 2014. Þess í stað forðaðist núverandi bæjarstjórn í öllu ferlinu að ræða beint við bæjarbúa um þetta þýðingarmikla málefni. Engu líkara en þeir óttist eigin samborgara.
Mikilvægur úrskurður
Nú er beðið eftir úrskurði nefndarinnar og þá gæti tvennt gerst. Beint verði til bæjarstjórnar að taka upp þráðinn við bæjarbúa með eðlilegum samtölum við þá og afgreiða málið upp á nýtt eftir það. Hin niðurstaðan gæti orðið að þessi dæmalausu vinnubrögð bæjarstjórnar verði samþykkt eins og Skipulagsstofnun lét sér sæma að gera. Ef svo ótrúlega færi er ljóst að þar með yrði gefið grænt ljós á að bæjarstjórn Akureyrar geti lokað sig inni og þurfi ekki að hafa nokkurt samráð við almenning um málefni sem skiptir íbúa miklu eins og raunin er í þessu tilviki. Í kjölfarið gætu aðrar sveitastjórnir komist hjá að ræða slík mál við sína umbjóðendur og gefið sig alfarið að því að þjóna sérhagsmunum. Þá væru góð ráð orðin nokkuð dýr og vandséð hvernig löggjafinn getur setið hjá og látið sig málið engu varða.
Einkennileg staða
Hvað sem því líður er nú svo komið að almenningur á Akureyri á ekki annan kost í máli þessu en að snúa sér til nefndar fyrir sunnan til að komast að eigin bæjarfulltrúum og ræða við þá á jafnræðisgrundvelli. Þeir hafa lokað sig af innan bergmálslausra veggja Ráðhússins og ansa bæjarbúum ekki nema kannski innan þessarar sömu múra og þá allt í leyni en alls ekki fyrir opnum tjöldum. Getur staðan orðið öllu snautlegri?
Ragnar Sverrisson
kaupmaður
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
