20. nóvember - 27. nóvember - Tbl 47
70 ár frá því að fyrstu sjúklingarnir innrituðust á Sjúkrahúsið á Akureyri
Í dag eru 70 ár frá því að fyrstu sjúklingarnir innrituðust á Sjúkrahúsið á Akureyri Myndir sak.is og NH
Fimm árum eftir að sjúkrahúsbyggingin var fullgerð komu fyrstu sjúklingarnir í hús.
Sumarið 1946 var hafist handa við byggingu nýs spítala á Akureyri. Áður var starfræktur spítali J. Gudmanns Minde við Spítalaveg 11. Arkitekt nýja sjúkrahússins var Guðjón Samúelsson og byggingin var fullbyggð árið 1948. Sjúklingarnir sem innrituðust voru samtals 47 og tók flutningurinn um klukkustund. Þó var sjúkrahúsið ekki formlega tekið til starfa og enn vantaði upp á mönnun og tæki og tól. Það sem var til staðar á þessum tíma var eftirfarandi skv. heimildum:
-
38 sjúkraherbergi
-
4 læknar
-
1 læknanemi
-
10 hjúkrunarkonur
-
6 hjúkrunarnema
-
2 ljósmæður
-
17 starfsstúlkur
-
1 stúlka á röntgen
-
1 stúlka á rannsókn
-
1 nuddlæknir í hálfu starfi
-
1 ráðskona
-
3 eldastúlkur
-
1 ráðsmaður
-
3 karlmenn til ýmissa verka
„Á þessum 70 árum hefur ýmislegt breyst en þó ekki. Núna er miklu fleiri heilbrigðisstarfsfólk sem sinnir mun fjölmennari sjúklingahópi með nýjustu tækni og meðferðarmöguleikum. Hinsvegar er húsnæði enn nýtt undir legudeildir og það er sannarlega kominn tími á breytingar.
Það er aðdáunarvert hversu útsjónarsamt starfsfólk var fyrir 70 árum en það sama gildir um starfsfólkið í dag. Áskoranir samtímans eftir heimsfaraldur hafa verið krefjandi og kalla á annað starfsumhverfi og betri aðstöðu fyrir sjúklinga. Núverandi aðstæður á legudeildum þessa húsnæðis sem á 70 ára afmæli uppfylla ekki lengur nútíma kröfur. Þó verður að hrósa starfsfólki SAk fyrir það hversu úrræðagott það hefur verið með vinnuumhverfið og viðhald hefur verið tryggt eins og kostur er. Ný legudeildarálma sem nú er í sjónmáli er eini raunhæfi kosturinn til þess að leysa húsnæðisvanda núverandi legudeilda í elstu álmu sjúkrahússins. Sjúkrahúsið á Akureyri vill geta veitt öruggt og skilvirkt umhverfi fyrir bæði sjúklinga og heilbrigðisstarfsfólk.
Við getum því litið á það sem rausnarlega afmælisgjöf að undirbúningur að hönnun og útboði nýrrar legudeildarbyggingu sé kominn vel á veg. Þetta er mikilvægur áfangi í þeirri vegferð að efla sjúkrahúsið okkar og þjónustu við samfélagið allt.“ Hildigunnur Svavarsdóttir, forstjóri SAk.
Á þessum degi fyrir 10 árum voru Hollvinasamtök SAk stofnuð. Markmið Hollvina er að styðja og styrkja starfsemi sjúkrahússins. Það er gert með að vekja athygli á og hvetja til eflingar starfseminnar á opinberum vettvangi í samráði við framkvæmdastjórn sjúkrahússins.
Nánar um Hollvinasamtökin hér: https://island.is/s/sak/hollvinir
Fengið á heimasíðu SAk.
Myndir hér að neðan voru teknar þegar hornsteinn var lagður að sjúkrahúsinu, þær myndir tók það best er vitað Níels Halldórsson.
Nýjast
-
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag.
