62 ára aldursmunur á elsta og yngsta leikara
Á föstudag frumsýnir Freyvangsleikhúsið í Eyjafjarðarsveit barna og fjölskyldu leikritið Kardemommubærinn eftir Thorbjørn Egner. Kardemommubæinn þarf vart að kynna fyrir Íslendingum enda hafa líklega flestir, sem komnir eru til vits og ára, séð hann á einhverjum tímapunkti.
Verkið er upprunalega skrifað fyrir barnatíma í norska ríkisútvarpinu og var flutt þar í nokkrum þáttum. Árið 1955 kom sagan svo út á bók með teikningum eftir Egner sjálfan. Þar má sjá útlit bæjarins og persónanna, útlit sem hefur verið haldið í flestum uppfærslum leikritsins síðan. Umhverfi bæjarins hjá Egner er svolítið suðrænt og tímalaust og sótti hann að eigin sögn innblástur til Ítalíu og Tyrklands.
Jóhanna Sigurbjörg Ingólfsdóttir, formaður Freyvangsleikhússins segir í samtali við Vikublaðið að undirbúningur fyrir sýninguna sé nú í hámarki og tilhlökkun allra sem að sýningunni standa sé áþreifanleg.
En eins og svo margoft hefur verið komið inn á þá lifum við á tímum heimsfaraldurs og sú staðreynd hefur vissulega haft áhrif á æfingaferlið.
„Við erum búin að æfa núna í sex vikur en covid er reyndar alveg að fara með okkur. Við höfum ekki verið með fullmannað af leikurum nema í fjórar vikur af sex,“ segir Jóhann og hlær dátt. „En þetta er bara allt eins og það á að vera. Þetta fer alveg að verða búið, við hljótum að fara nálgast hjarðónæmi,- hérna innan leikhússins alla vega,“ bætir hún við í léttum dúr.
Sýningin er ansi metnaðarfull en alls 26 leikarar taka þátt í uppsetningunni. „Við erum líka með hljómsveit og svo erum við með alla hina. Ég held að við séum að lágmarki 60 sem komum að sýningunni með einum eða öðrum hætti,“ segir Jóhanna og bætir við að um sannkallaða stórsýningu sé að ræða.
Ólafur Jens Sigurðsson sér um leikstjórn og tónlistarstjórn er í höndum hann er Guðlaugs Viktorssonar en hann er skólastjóri í Tónlistarskólanum í Hrafnagili. „Þannig að við erum með fullmannaða stórhljómsveit,“ segir Jóhanna og hvetur sem flesta til að verða sér út um miða á sýninguna, það verði engin svikin af henni.
„Þetta er að sjálfsögðu ekta fjölskyldu og barnasýning þar sem yngstu leikararnir á sviði eru 11 ára og sá elsti er 73 ára. Það er 62 ára aldursmunur á elsta og yngsta leikara,“ segir Jóhanna að lokum.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
