20. nóvember - 27. nóvember - Tbl 47
Yfirlýsing sveitarstjóra Norðurþings
Undirritaður var beðinn um viðbrögð við innsendri grein sem finna má í blaði dagsins. Tekið skal fram að ég hef ekki fengið tækfæri til þess að lesa greinina, heldur einungis tilvitnanir úr henni. Þær tilvitnanir hryggja mig mjög í ljósi þeirrar vinnu sem starfsmenn og stjórnendur félagsþjónustunnar lögðu í sl. vetur. Í ljósi þessa sem og þeirri staðreynd að ég mun hvorki hér né annarsstaðar á opinberum vettvangi fjalla um einstaka starfsmannamál hjá sveitarfélaginu vil ég þó koma á framfæri eftirfarandi yfirlýsingu.
Við í Norðurþingi búum svo vel að félagsþjónusta sveitarfélagsins hefur á að skipa öflum hópi fólks sem á hverjum degi leggur sig fram við að þjónusta okkar íbúa skv. lögboðnum skyldum, skv. ákvörðunum sveitarstjórnar hverju sinni og til samræmis við ríkjandi fjárhagsáætlun sveitarfélagsins. Það hefur glatt okkur sem störfum fyrir sveitarfélagið sl. ár að þjónustukannanir þær sem gerðar hafa verið á vegum óháðra aðila bera þess glöggt merki að almenn ánægja ríkir með störf félagsþjónustunnar sem hefur yfirgripsmikil verkefni á sínu borði, sem t.a.m. taka til þjónustu við okkar nágrannasveitarfélög í Þingeyjarsýslu. Rekstur sveitarfélagsins gengur vel eins og síðasti ársreikningur gefur til kynna. Fjárhagáætlanir sveitarfélagsins sl. þrjú ár hafa gert ráð fyrir annarsvegar 72% nettó aukningu fjármuna til félagsþjónustunnar árið 2015 m.v. fjárhagsáætlun 2014 og síðan 19% aukningu 2016 m.v. árið 2015. Rauntölur úr rekstrarreikningum sveitarfélagsins sýna jafnframt að félagsþjónustan skilaði betri rekstrarlegri niðurstöðu en áætlað var árið 2015 sem nam 9%, en var 5% yfir áætlun árið 2016.
Atvinnuástandið hér í sveitarfélaginu hefur verið með eindæmum gott undanfarin ár og fleiri tækifæri opnast fyrir íbúa svæðisins til að hreyfa sig til á vinnumarkaði. Það er hörð samkeppni um vinnuafl og hefur sveitarfélagið fundið vel fyrir því. Samhliða þessu hefur fasteignamat íbúða hér á Húsavík hækkað sem aftur skapar aukin tækifæri fyrir fólk sem hefur áhuga á að flytja burt af svæðinu. Allt er þetta í grunninn jákvætt og eðlilegt í ljósi stöðunnar. Við göngum í gegnum mestu samfélagsbreytingar héraðsins í áraraðir og ekkert óeðlilegt að starfsmannavelta aukist hjá sveitarfélaginu við slíkar aðstæður. Einkageirinn hefur tekið mikið til sín af einstaklega hæfu fyrrum starfsfólki Norðurþings, en við höfum að sama skapi verið mjög heppin með mannskap inn til okkar á síðustu árum sem kemur til sveitarfélagsins með nýja reynslu og sýn á hlutina sem líka er jákvætt. Við höfum lagt okkur fram um að vanda valið við ráðningar hjá sveitarfélaginu og munum gera það áfram, hér eftir sem hingað til. Hinsvegar hefur húsnæðisvandinn sem skapast hefur á svæðinu klárlega gert okkur erfiðara um vik við að lokka til okkar fleira af hæfu starfsfólki. Stóra áskorunin er að koma upp fleiri húsbyggingum og fá fleiri til að flytja í Norðurþing til þess að efla sveitarfélagið enn frekar.
Virðingarfyllst,
Kristján Þór Magnússon, sveitarstjóri Norðurþings
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
