XL fyrir lífsgæði
Í kosningunum 26. maí fáum við Akureyringar tækifæri til að segja okkar skoðun á því hvernig við viljum hafa bæinn okkar. Til að láta í ljós skoðun okkar þurfum við að velja okkur lista og þá vandast valið. Mikið hefur verið rætt um að það sé lítill munur á flokkunum og það er eflaust rétt þegar óskalistanum er þjappað niður í örstutta áherslupunkta.
Munurinn liggur í því hvernig unnið er að málunum og L-listinn hefur þá sérstöðu að vera listi sem er tileinkaður bæjarbúum, en ekki einhverri ákveðinni þeóríu um hægri eða vinstri, einkavæðingu eða ríkisrekstur. Við þekkjum Akureyri og gerum það sem er best fyrir bæinn og bæjarbúa hverju sinni.
L-listinn hefur sterkar skoðanir á því hvernig má bæta lífsgæðin hjá öllum Akureyringum og við hvetjum ykkur til að koma á skrifstofu okkar og ræða málin. Við viljum meðal annars:
Fjölbreytt dagvistunarúrræði fyrir börn frá fæðingarorlofi og fram að leikskóla, til að tryggja að fólk hafi val um leiðir. Við viljum bjóða upp á heimgreiðslur fyrir foreldra og einnig styrkja dagforeldrakerfið, sem hvort tveggja eykur svigrúm til að taka við börnum á leikskóla strax við 12 mánaða aldur.
Íþrótta- og tómstundastarf yngstu barna í grunnskóla komi inn í stundaskrána. Börnin kynnist mörgum íþróttagreinum, tónlist, myndlist, handverki og fleira. Minnkum íþróttaskutlið sem kostar tíma og peninga og veldur mengun.
Vinna að því að vera með framúrskarandi skóla með því að styðja betur við nemendur og starfsfólk, auka vægi skapandi náms, ráðgjöf og stoðþjónustu í meira mæli inn í skólana og leita allra leiða til að minnka álag á kennara. Þannig aukast líkur á að hægt sé að bregðast fyrr við ef börn lenda í tilfinningalegum eða geðrænum vanda.
Byggja upp þétt öryggisnet sem grípur snemma þá sem þess þurfa og bæta geðheilbrigðisþjónustu auk þess að koma upp áfangaheimili.
Byggja upp leigumarkað í samvinnu við óhagnaðardrifin félög og kanna möguleikann á að koma á kaupleigukerfi. Leggjum áherslu á fjölbreytt úrræði til að auka valmöguleika íbúa.
Þjónusta við aldraða verði gerð skilvirkari og upplýsingagjöf og umsóknarferli einfölduð. Útbúum handbók sem inniheldur ítarlegar leiðbeiningar um hvað er í boði og hvert skuli sækja þjónustuna ásamt því hver réttur einstaklingsins er. Nýtum tæknilausnir í meira mæli og spörum tíma, bæði hjá einstaklingum sem og aðstandendum.
Beint flug frá Akureyri til London eða annarrar borgar í Evrópu sem er sjálf sterkur áfangastaður og gefur að auki fjölbreytta tengimöguleika. Þetta verkefni gæti til dæmis verði boðið út á hliðstæðan hátt og akstur strætisvagna á milli Akureyrar og Reykjavíkur. L-listinn vill líka að Akureyrarbær hafi beina aðkomu að því, ef þörf krefur, að bæta aðstöðu á Akureyrarflugvelli með stækkun flugstöðvarinnar, byggingu flughlaðs og gerð lóða fyrir flugtengda þjónustu.
Komið endilega við á skrifstofu okkar og fáum okkur kaffi saman. Okkur tekst betur til við að þjóna ykkur ef við höfum náð að tala saman. Ef þú vilt kynna þér stefnumál L-Listans í heild sinni eru þau aðgengileg á heimasíðu okkar, www.l-listinn.is eða á Facebook síðu okkar.
Taktu þátt í því með okkur að gera Akureyri að ennþá betri bæ með því að kjósa L fyrir Lífsgæði.
-Halla Björk skipar 1. sæti og Andri 2. sæti á L-Lista fyrir bæjarstjórnarkosningar á Akureyri
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
