20. nóvember - 27. nóvember - Tbl 47
Við þurfum ekki að óttast framtíðina
Þessar vikurnar og næstu mánuði mun Akureyrarbær kynna nýtt aðalskipulag fyrir Akureyri sem mun gilda 2018- 2030. Íbúar er hvattir til að fylgjast vel með, vera meðvitaðir um gildi skipulagsins og framtíð þess. Skila óhikað inn athugasemdum til að hafa sem mest áhrif á nærumhverfi sitt næstu 12 árin.
Hvað er það sem við óttumst hvað mest, líklega eru það breytingar í umhverfi okkar.
Drög að nýju aðalskipulagi voru kynnt í Hofi þann 28. mars síðastliðinn. Þar var farið yfir helstu áherslur og breytingar á núgildandi aðalskipulagi.
Ítarleg greinargerð var kynnt með skipulaginu og eru íbúar hvattir til að lesa hana þar sem fram kemur nánar, um útfærslur og tilgang breytinga. M.a. áætlanir um þéttingu byggðar víða innan bæjarmarkanna.
Munum við þetta með hana Lilju, voru það ekki nokkrir sem vildu hana kveðið hafa?
Ég spyr vegna þess að ekki hafa orðið breytingar á skipulagi í bæjarfélaginu án þess að hávær mótmæli hafi komið fram.
Nefnum dæmi sem hafa í raun nánast sett þetta samfélag á hliðina en eftir á eru flestir sáttir við niðurstöðuna.
Dalsbraut og miðbæjarskipulag. Þar fór fram góð kynning og mikið samstarf þó auðvitað sé það svo að allir geti ekki alltaf verið sáttir með allt. Ef við stefnum á að allir séu sammála þá er líklegast við myndum aldrei gera neitt. Bærinn myndi staðna og hér myndi verða íbúafækkun í stað fjölgunar sem er mikilvæg til að geta styrkt stoðir sveitarfélagsins og staðið undir uppbyggingu á öllum lífsins gæðum.
Það er varla sá maður í dag sem mælir á móti þessum framkvæmdum.
Hvers vegna er þetta alltaf svona? Svarið er líkast til það að við óttumst breytingar og viljum helst hafa hlutina einsog þeir hafa verið í áratugi.
Það er vel skiljanlegt að þegar íbúar sjá að það á allt í einu að fara að framkvæma í bakgarðinum hjá þeim þá verði fólk ósjálfrátt smeykt um að þetta verði til hins verra og það komi til með hafa slæm áhrif á nærumhverfið.
Það eru vissulega til dæmi um ákvarðanir í skipulagsmálum sem hafa verið illa ígrundaðar og ekki verið úthugsaðar með þarfir íbúa í huga. Þess vegna er lykilatriði að íbúar og aðrir hagsmunaðilar sendi inn ábendingar til að hafa áhrif á nýtt aðalskipulag.
Er það ekki okkar að deila lífsgæðum með öðrum og nýta betur þá innviði sem eru til staðar, það getum við t.d. gert með þéttingu byggðar víða um bæjarfélagið með tilliti til skólastofnana og íþróttasvæða.
Vissulega eru mörg eldfim mál kynnt í þessum drögum að skipulagi. Saman ætlum við að finna lausnir sem við getum verið stolt af og haft áhrif á til lengri tíma. Að lokum hvet ég ykkur enn og aftur að kynna ykkur skipulagið á heimsíðunni akureyri.is
Höfundur er bæjarfulltrúi og forseti bæjarstjórnar.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
