20. nóvember - 27. nóvember - Tbl 47
Veggjöld greiða göngin
Guðmundur Baldvin Guðmundsson.
Ríkisstjórnin samþykkti á fundi sínum síðastliðinn föstudag að veita Vaðlaheiðargöngum lán sem nemur 4,7 milljörðum króna. Lánið er veitt til að hægt sé að ljúka framkvæmda ganganna. Í kjölfar þessarar ákvörðunar hafa farið af stað fjörlegar umræður bæði í fjölmiðlum sem og á samfélagsmiðlum um framkvæmdina og hafa neikvæðar raddir verið mjög áberandi í umræðunni. Talað er um að nær hefði verð að veita þessu fjármagni til annari brýnni framkvæmda og af nógu sé að taka.
Í allri umræðunni kjósa gagnrýnendur, sem flestir koma af höfuðborgarsvæðinu, að horfa framhjá staðreyndum málsins og jafnvel að búa sér til forsendur sem ekki fá staðist. Jú vissulega er það svo að framkvæmdin hefur farið verulega fram úr áætlun og rætt um að umframkostnaður geti orðið allt að 44% frá upphaflegri kostnaðaráætlun. En er það meira en gengur og gerist í slíkum verkefnum? Jarðgangagerð er í eðli sínu afar áhættusöm og upp kunna að koma tilfelli sem erfitt var að sjá fyrir en bregðast þarf við og slíkt hefur klárlega í för með sér kostnaðarauka. Óhætt er að segja að í Vaðlaheiðargöngum hafi komið upp allmörg slík tilfelli og kannski er það svo að þessi umframkostnaður er meiri en almennt gengur og gerist.
En stóra málið er að framkvæmdin verður greidd af veggjöldum. Já greidd af okkur notendum sem kjósum að nýta okkur göngin í stað þess að keyra um Víkurskarð, bæði til að stytta aksturstíma og ekki síður til að sleppa við akstur um skarðið og auka þar með umferðaröryggi okkar sem búum við það að þurfa að ferðast um þennan leiðinda fjallveg. Rétt er í þessu sambandi að benda á að akstur í gegn um göngin styttir leiðina um 11 mínútur miðað við að ekið sé á hámarkshraða bæði upp Víkurskarðið sem og í gegn um göngin.
Í upphaflegum forsendum var gert ráð fyrir að veggjöld myndu borga upp framkvæmdina á 27 árum og var þá miðað við umferð um Víkurskarð á árinu 2011. Ljóst er að aukinn kostnaður við gerð ganganna hefur breytt þessum forsendum og ljóst að nokkuð lengri tíma tekur að greiða framkvæmdina til baka. Hins vegar hefur orðið mjög jákvæð þróun umferðar um Víkurskarð og áætluð umferð um göngin hefur tekið stökkbreytingu frá upphaflegri áætlun. Sé miðað við þær forsendur sem nú liggja fyrir er þess vænst að framkvæmdin verði greidd til baka með veggjöldum á 35-40 árum.
Fyrir flest okkar sem búum á Norðausturlandi er það mikið gleðiefni að nú sjáist til lands í framkvæmdunum. Göngin munu líkt og önnur göng, sem við Íslendingar höfum byggt af mikilli framsýni, breyta lífsskilyrðum fólks. Atvinnutækifærum fjölgar, atvinnusvæði stækka og meiri jöfnuður verður í heilbrigðisþjónustu og menntun, svo dæmi séu tekin og síðast en ekki síst mun umferðaröryggi okkar batna. Það er til mikils að vinna.
-Höfundur er formaður bæjarráðs Akureyrarbæjar, formaður Eyþings og stjórnarmaður í Greiðri leið ehf.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
