20. nóvember - 27. nóvember - Tbl 47
Tómstundastarf eldri borgara á Akureyri
Þess ber alltaf að geta, sem vel er gert ekki síður en það, sem miður fer og langar mig aðeins að minnast á það, sem eldri borgurum á Akureyri stendur til boða. Fjölbreytt og áhugavert tómstundastarf eldri borgara er til mikillar fyrirmyndar, fjölbreytt og uppbyggilegt efni er um að ræða. Dagskrá alla daga vikunnar nema um helgar á báðum stöðum þ.e. í Víðilundi 22 og Bugðusíðu 1 og yfirleitt frá kl. 9 að morgni til kl. 16 síðdegis. Og eins og stundum er sagt eitthvað fyrir alla og væri að æra óstöðugan að telja það allt upp í stuttri blaðagrein.
Kemst þó ekki hjá að stikla örlítið á stóru í þeim efnum. Þarna má finna ýmis gagnleg námskeið svo sem handverk þ.e. útsaum, listmálun, trésmiðja opin og postulín að ógleymdri vinsælu félagsvistinni á mánudögum, en allt þetta og meira til er í Víðilundinum. Í Bugðusíðunni má aftur á móti finna m.a. ýmiss konar handverk og einnig billjard, leikfimi, stólajóga og svo er einnig spiluð þar félagsvist og bridge. Afburða vinsæl er t.d. félagsvistin, sem spiluð er þar á fimmtudagskvöldum, og fjöldi fólks tekur iðulega þátt í. Hér hef ég aðeins, eins og fyrr segir stiklað á stóru í frábæru starfi, sem eldri borgurum á Akureyri er boðið upp á.
Kráarkvöldin
Ég kemst samt ekki hjá því í restina að vera svolítið neikvæður, þar sem ég veit að ég tala ekki síður fyrir munn margra annarra, en það eru svokölluð ágæt kráarkvöld, sem haldin eru í Bugðusíðunni einstaka sinnum á laugardagskvölum, eldfjörug fyrir fullu húsi en allt of sjaldan.
Það rak marga í rogastans þegar að tikynnt var nú í vor, síðasta kráarkvöld 6. apríl sl. Hvað á þetta að þýða? Mér finnst og fleirum að þessi vel sóttu og skemmtilegu kvöld með dunandi músík og dansi mættu þess vegna vera um aðra hverja helgi frá september og fram í júní ár hvert eins og t.d. spilavistirnar.
Ég vil minna á að dunandi dans við góða músík eins og um er að ræða á kráarkvöldunum er ein sú besta líkamsrækt, sem til er og er það margviðurkennt, svo ég tali nú ekki um fyrir fullorðna liði, sem eru að byrja að stirðna eftir langa tíð. Ég ætla að vera svo djarfur að lýsa mikilli vanþóknun minni yfir slíku ráðslagi og spyr: Er þetta áhugaleysi eða leti þeirra, sem í hlut eiga?
Höfundur er eldri borgari á Akureyri, sem hefur óstjórnlega gaman af að dansa og hreyfa sig
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
