Tækifæri fyrir landið allt
Hrun blasir við í ferðaþjónustunni um land allt. Allflest ferðaþjónustufyrirtæki hafa lokað tímabundið, enda fáir ferðamenn staddir hér en mikilvægt er að tryggja endurreisn greinarinnar þegar faraldrinum slotar og ferðamenn fara að heimsækja landið að nýju.
Þingið samþykkti á dögunum aðgerðapakka frá ríkisstjórninni, sem því miður var ekki unnin í samráði stjórnar og stjórnarandstöðu, en tók þó jákvæðum breytingum í meðförum þingsins. Aðgerðirnar beindust að mestu beint að fyrirtækjum og ber þar hæst að nefna hlutabótaleiðina svokölluðu, ýmsa fresti á sköttum og gjöldum og svokölluð brúarlán til fyrirtækja sem verða fyrir tekjufalli.
Allt eru þetta ágætar aðgerðir, en ljóst er að gera þarf miklu meira. Á næstu dögum og vikum þurfum við að gæta sérstaklega að því að horft sé til mismunandi aðstæðna á ólíkum svæðum. Á flestum svæðum utan suðvesturhornsins fær ferðaþjónustan inn langstærstan hluta tekna sinna yfir sumarmánuðina, en ef fer sem horfir blasir við verður komandi sumar mjög erfitt, ekki síst fyrirtækjum sem hafa lagt í fjárfestingar í góðri trú. Við því þarf að bregðast sérstaklega.
Það er þó ekki eintómt svartnætti framundan. Á síðustu árum hafa byggst upp fjölmörg sterk ferðaþjónustufyrirtæki um landið vítt og breitt og margir spennandi sprotar sprottið upp. Það er því á miklu að byggja og ef vilji er til má skapa fjölmörg tækifæri á næstu mánuðum til styrkingar og frekari uppbyggingar. Þar þurfum við líka að nýta tækifærið og dreifa ferðamönnum betur um landið þegar erlendir ferðamenn fara að heimsækja Ísland að nýju. Gæta þarf vel að hagsmunum landsins alls í ákvarðanatöku næstu vikna og vera með sértækan stuðning við ólík svæði – þar sem ein lausn virkar ekki fyrir alla í þessum aðstæðum. Jákvæðar ákvarðanir hafa verið tilkynntar nú þegar í tengslum við uppbyggingu á Akureyrarflugvelli og Egilsstaðarflugvelli.
Ný flugstöð virkar þó ekki sem mótvægisaðgerð nema henni fylgi farþegar sem kallar á ákvarðanir um markvissa og öfluga markaðssetningu þessara svæða og fylgja þarf svo þeim ákvörðunum eftir með fjármagni. Opnun nýrra gátta er ekki einkamál þessara landsvæða heldur er það mikilvægt tækifæri fyrir landið allt. Að því þurfum við að vinna.
-Albertína Friðbjörg Elíasdóttir
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
