20. nóvember - 27. nóvember - Tbl 47
Sól, sæla og settu Xið
Ólína Freysteinsdóttir
Það er stemming í lofti þegar líður að kosningum. Hluti stemmingarinnar kemur með sólargeislum, fuglasöng, grilllykt, hlátrarsköllum og vatnsbyssustríði. Við sem sitjum á listum fyrir sveitastjórnarkosningar lofum bjartari tímum með betri tíð og blóm í haga. Áherslu á betri þjónustu, minni mengun og jafnvel lofum fleiri sólardögum. En hverju á svo að trúa? Það er eins og við vitum; flóknari á borði en í orði, en þegar allt er á botni hvolft hlýtur velferðin að skipta samfélög mestu máli. Og þar liggur eimitt áhersla Samfylkingarinnar. Það er alveg á hreinu að þegar forgangsraða á málum þá gengur velferðin fyrir hjá okkur.
Auður hvers samfélags
Við þurfumað beina athyglinni enn frekar að hvernig við búum að fjölskyldum í bæjarfélaginu. Því þar komum við að kjarna málsins; hvernig samfélag við búum í veltur á hvernig okkur tekst að gera vel við þessa minnstu einingu. Það gerum við með því að stuðla að því að samfélagið sjái fjölskyldum fyrir öryggi og tryggjum að bil verði brúað milli fæðingarorlofs og leikskóla. Þá er mikilvægt að foreldrar fái stuðning í uppeldishlutverkinu við að styrkja sjálfsmynd barna sinna sem er trúlega sá þáttur sem er mesti auður hvers samfélags. Við eigum að leggja áherslu á að fjölskylda geti notið samveru og þar leikur stytting vinnuvikunnar stóran þátt.
Mikilvægt stuðningsnet
Þá má ekki gleyma stuðningsnetinu; aðstoð við fjölskyldur sem lenda í erfiðleikum vegna veikinda, slysa og þeirra sem fæðast inn í aðstæður sem valda því að lífsgangan verður erfiðari. Þetta stuðingsnet þarf að bæta því okkur er skylt að bregðst við sem samfélagi, veita stuðning og skjól. Þar skorumst við ekki undan ábyrgð.
Láttu hjartað ráða för og settu X við S
-Höfundur er Ólína Freysteinsdóttir, frambjóðandi Samfylkingarinnar
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
