20. nóvember - 27. nóvember - Tbl 47
Ryk dustað af greinarkorni – í fullri vinsemd
Sumar vísur eru aldrei of oft kveðnar.
Greinarkorn, sem ég birti hér í blaðinu fyrir tveimur árum, á því miður enn við að mörgu leyti. Því er rétt að dusta rykið af sumu sem þar var að finna og bæta öðru við, sem ég beini til bæjaryfirvalda – í fullri vinsemd.
1. Typpin í miðbænum; málmstaurar sem standa upp úr steinilögðum strætum við Ráðhústorgið, eru engum til góðs en mörgum til ama. Um það bil 30 rispur voru á hverju typpi að meðaltali fyrir tveimur árum og hefur fjölgað siðan. Þá gaf ég mér að viðgerðarkostnaður vegna skemmda á bílum sem ekið höfðu á eða nuddast utan í typpin væru um 85 milljónir. Vissulega búbót fyrir bílaverkstæði bæjarins, en óþarfa fjárútlát fyrir bíleigendur. Þessi tala hefur hækkað töluvert á tveimur árum.
Ef endilega verða að vera einhvers konar hindranir legg ég til að þær verði úr plasti eða þá lágir hnúðar. Steinkúlurnar í Hafnarstræti eru til allrar guðs lukku farnar. Þær höfðu kostað margar beyglur og valdið mörgum bílstjóranum tilfinningalegu tjóni. Ráðhústorg stendur autt en þakka ber grasreit sem þar hefur verið komið fyrir yfir sumarið síðustu ár. Upplagt þætti mér að hverfa til fyrra horfs, með grasflöt og leyfa akstur hringinn í kringum torgið og parkeringar; leyfa svæðinu að njóta sín en loka að sjálfsögðu 17. júní.
2. Rétt er að nefna líka fyrirhugaða þrengingu hluta Glerárgötunnar. Þá hugmynd er mér fyrirmunað að skilja. Ég hef ekki orðið þess var að bílum sé ekið mjög hratt eftir þessum kafla þjóðvegar 1, enda erfitt um vik þar sem umferðarljós eru með nokkurra tuga metra bili frá Glerárbrú inn að Kaupvangsstræti. Til hvers að þrengja götuna?
3. Nú orðið felst líkamsrækt mín í því að ég geng gjarnan upp kirkjutröppurnar á kvöldin og banka uppá hjá almættinu, sem er reyndar sjaldnast við. En þegar niður er komið aftur verður mér stundum mál og þá er ekki í mörg hús að venda. Ef það er um helgi get ég komið við á Götubarnum, en það er dónaskapur að fara inn á svoleiðis stað og spyrja hvort maður geti fengið að pissa. Þess vegna fæ ég mér einn bjór í leiðinni og er þá fljótlega kominn í vandræði aftur. Það er ótrúlegt að ekki skuli vera almenningsklósett í miðbænum. Hvernig getur Akureyri leyft sér það, þegar jafn margir ferðamenn koma til bæjarins og raun ber vitni? Er virkilega ekki hægt að kippa þessu í liðinn?
Skotið við innganginn í húsið mitt við Ráðhústorg nota menn gjarnan um helgar sem salerni og skila jafnvel úr efri endanum líka. Skotið er oft óhugnanlegt að morgni laugardags og sunnudags en ég dáist að hreinsunarmönnum bæjarins.
4. Vinur sem heimsótti mig erlendis frá benti mér á eitt sem tilfinnanlega vantar í bæinn. Nafn Akureyrar, á fallegum, áberandi stað. Ferðamenn vilja láta mynda sig við slík kennileiti, fullyrti hann, og líklega er það rétt. Sumir vita ekki einu sinni í hvaða bæjarfélagi þeir eru staddir þegar þeir koma hingað, því það stendur hvergi, sagði þessi sami vinur. Hugmyndin um að nafni bæjarins verði komið fyrir á fallegum stað finnst mér góð.
Að endingu er rétt að taka fram, eins og í téðri grein fyrir tveimur árum, að á Akureyri vil ég vera og hvergi annars staðar.
Arngrímur Jóhannsson
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
