20. nóvember - 27. nóvember - Tbl 47
Pólitískar ákvarðanir um framkvæmdir
Gunnar Gíslason
Töluverð umræða hefur verið um kostnað við framkvæmdir á vegum bæjarins í aðdraganda þessara kosninga. Þarf hafa t.d. verið nefndar framkvæmdir við Listasafnið og sundlaugina.
Listasafnið
Það hefur borið við í of mörgum tilvikum að pólitískar ákvarðanir hafa stjórnað því hve miklir fjármunir eru áætlaðir til ákveðinna framkvæmda. Þetta á við um Listasafnið þar sem fulltrúar meirihlutans fullyrtu í bæjarstjórn á sínum tíma við afgreiðslu fjárhagsáætlunar að kostnaðurinn við uppbygginguna yrði ekki meiri en 400 milljónir. Á þessum tíma lá fyrir kostnaðaráætlun upp á rúmar 500 milljónir. Nýjar áætlanir gera ráð fyrir því að kostnaðurinn verði um 700 milljónir. Þar sem endanlegur kostnaður liggur ekki fyrir er ekki vitað hver árlegur leigukostnaður verður, en ekki er ólíklegt að hann verði á bilinu 80 til 100 milljónir á ári. Þessar upphæðir eru langt frá þeim 40 milljónum sem reiknað var með í árlegan leigukostnað við Listasafnið og því eru fyrirliggjandi rekstraráætlanir með öllu úreltar.
Sundlaug Akureyrar
Með sama hætti var ákveðið af meirihlutanum að kostnaður við endurbætur á sundlauginni og uppsetningu á nýrri rennibraut, yrði um 285 milljónir. Þá lá fyrir kostnaðaráætlun upp á 385 milljónir. Reyndin er að kostnaður við þessar framkvæmdir verður rúmar 400 milljónir. Til viðbótar þessu kom fljótt í ljós að það þyrfti að útbúa aðstöðu til sólbaða og leikja. Kostnaður við þá framkvæmd er áætlaður rúmar 100 milljónir. Það ber að mínu mati ekki vott um vandaða ætlanagerð að hanna ekki allt verkefnið í einu, því það hlýtur að hafa legið fyrir frá upphafi þegar snúa þurfti rennibrautinni að það hefði þær afleiðingar að útbúa þyrfti nýt sólbaðs- og leikjasvæði.
Naustaskóli
Hægt er að tilgreina fleiri dæmi um ákvarðanir sem þessar. Skýrasta dæmið er lóð Naustaskóla, þar sem meirihlutinn samþykkti að leggja 60 milljónir í uppbyggingu á lóðinni. Það hafði þó legið fyrir um a.m.k. tveggja ára skeið áætlun upp á 100 milljónir. Þegar hönnun lóðarinnar var lögð fram í umhverfis- og mannvirkjaráði á s.l. ári kom fram að áætlaður kostnaður við framkvæmdina yrði 120 milljónir. Þetta vakti furðu mína og spurðist ég því fyrir um það af hverju hönnunin tók ekki mið af þeim 60 milljónum sem áætlaðar voru til verksins. Fátt var um svör enda ljóst að þá hefði lóðin orðið frekar fátæklega búin leiktækjum.
Vandaðar áætlanir
Það er að mati okkar sjálfstæðismanna mikilvægt að vanda til allra áætlana og byggja þær á bestu gögnum á hverjum tíma. Það skiptir máli að vera sem næst raunkostnaði þegar áætlun er gerð því það er verið auka rekstrarkostnað sveitarfélagsins til næstu 20 til 40 ára. Það hefur áhrif á svigrúm til annarra framkvæmda og þjónustu við íbúa til lengri tíma. Við viljum gera betur.
-Höfundur er oddviti Sjálfstæðisflokksins á Akureyri
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
