20. nóvember - 27. nóvember - Tbl 47
Ný tækni í flugumferðarþjónustu á flugvöllum
Akureyrarflugvöllur. Mynd/Hörður Geirsson.
Hjá Isavia hefur um nokkurt skeið verið unnið að þróunarverkefni sem snýst um að nýta stafræna myndavélartækni í tengslum við flugumferðarþjónustu á flugvöllum. Flestir sem veita þessa þjónustu í kringum okkur, bæði austan hafs og vestan, eru ýmist að skoða innleiðingu tækninnar eða eru nú þegar búnir að því að einhverju leyti.
Tæknin sem slík gerir okkur meðal annars kleift að veita flugumferðarþjónustu á flugvöllum frá öðrum stað. Þetta er tækni sem við sjáum fyrir okkur að gæti nýst vel á Íslandi í framtíðinni, t.d. á litlum og afskekktum völlum þar sem erfitt getur reynst að finna sérmenntað starfsfólk til að sinna flugumferðarþjónustu. Í þeim tilfellum mætti veita þjónustuna frá öðrum stað þar sem hægt er að fá rétta fólkið til starfa. Tilgangurinn með verkefninu er að bæta þjónustu og auka öryggi. Þróunarverkefnið hefur staðið síðan 2015 og þótti Akureyrarflugvöllur henta vel sem prófunarflugvöllur þar sem að flest allir nauðsynlegir innviðir, s.s. flugbrautarljós, veður- og upplýsingakerfi, samskiptatæki og fleira, veita möguleika á fjarstýringu. Isavia er með örugga hringtengingu um landið á milli allra flugvalla fyrir gagnaflutninga. Aðrir flugvellir, sem komu til álita fyrir verkefnið, voru ekki eins vel búnir. Mesta áskorunin hefur verið að finna myndavélabúnað sem þolir íslenska veðráttu.
Flugumferðarþjónusta á Akureyrarflugvelli er tvískipt. Á tímabilinu frá kl. 07:00 til 23:00 er veitt flugstjórnarþjónusta (ATC) en á tímabilinu frá kl. 23:00 til 07:00 er veitt upplýsingaþjónusta (AFIS). Fyrirhugað er að í byrjun árs 2020 veiti flugradíómenn á Egilsstöðum upplýsingaþjónustu (AFIS) á Akureyrarflugvelli á tímabilinu frá kl. 23:00 til 07:00 með þessari nýju tækni, en á þeim tíma er mjög lítil umferð um flugvellina. Framkvæmdastjóri flugvallasviðs Isavia kynnti þetta verkefni á ráðstefnu Arctic Circle í síðustu viku meðal annars til að varpa fram þeim möguleika að nýta þessa tækni á Grænlandi, og þá fyrir nýja flugvelli sem eru á teikniborðinu þar í landi. Við sama tækifæri var viðruð sú hugmynd að miðstöð fyrir flugumferðarþjónustu á Grænlandi gæti verið staðsett hér á landi, að því gefnu að gagnatengingar milli landanna væru öruggar. Þeir myndu jafnframt hafa í framhaldinu aðgang að nýjustu tækniþekkingu og vel þjálfuðu starfsfólki. Jafnframt er hægt að hugsa sér að þessi tækni gæti þjónað vel sem viðbragðsbúnaður í alvarlegri tilvikum.
Verið er að skoða tækni af þessu tagi víða um heim, annars staðar í Evrópu, í Bandaríkjunum og Kanada, og ljóst er að þróunin er hröð. Mikilvægt er að Isavia fylgist vandlega með þeim möguleikum sem standa til boða þannig að hægt sé að veita örugga og hagkvæma þjónustu á flugvöllum landsins.
-Sigrún Björk Jakobsdóttir, framkvæmdastjóri flugvallasviðs Isavia
-Hjördís Þórhalldsdóttir, flugvallarstjóri á Akureyrarflugvelli og umdæmisstjóri flugvallasviðs á Norðurlandi
-Haraldur Ólafsson, yfirflugumferðarstjóri hjá flugleiðsögusviði Isavia
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
