20. nóvember - 27. nóvember - Tbl 47
Munar Akureyringa um rúmlega 10 miljarða?
Mynd úr safni.
Það er möguleiki á því að Akureyringar geti sparað sér umtalsverða fjárhæð. Hve há hún er veit ég ekki nákvæmlega og því miður er líka misjafnt í hvaða aðstöðu fólk er til að gera þetta en það er býsna stór hópur sem á möguleika á þessum valkosti. Þetta val snýst um að nota fleiri aðferðir en einkabílaakstur til að fara á milli staða.
Strætó, hjóla, ganga og svo er möguleiki að nýta leigubíl í einhverjum tilfellum. Þetta kostar öðruvísi fyrirhöfn en að vera með einkabíl í rekstri og margir myndu þurfa að hugsa dagskrána upp á nýtt en fyrir þá sem geta er sparnaðurinn umtalsverður. Samkvæmt frétt sem ég heyrði fyrir skömmu eru skráðir fólksbílar orðnir jafn margir og íbúar Akureyrar. Ég leyfi mér að gera ráð fyrir að bílaleiguflotinn sé í þessari tölu en samt má ætla að einkabílarnir séu nálægt 15 þúsund. Ef við myndum láta okkur nægja að vera með einn bíl á heimili giska ég á að 10 þúsund bílar yrðu eftir.
En hve mikill yrði þessi sparnaður? Ég veit ekki nákvæmu töluna eins og ég sagði en leyfi mér að giska. Nýr bíll kostar 3-5 miljónir, notaður minna, ætli meðaltalið sé nálægt 2 miljónum? Síðan þarf að borga rekstur og allt sem fylgir notkuninni. Mitt ófullkomna heimilisbókhald segir mér að reksturinn á gömlu dósinni okkar kostar c.a. 550-600 þús á ári. Ég er meira en einn og hálfan mánuð að vinna fyrir þessari upphæð eftir skatta.
Sem sagt ef þessar tölur eru réttar þá: Startkostnaður 5000 einkabíla ca.10 þúsund miljónir og reksturinn tæpar 3 þúsund miljónir. Þá er eftir að skoða kostnað bæjarsjóðs og fyrirtækja. Hver einasti bíll í rekstri kostar götu og bílastæðapláss. Skoðum bara bílastæðin. Við vinnustaðinn, búðina, ræktina, bíóið og svo framvegis. Er ósanngjarnt að gera ráð fyrir 2-3 bílastæðum fyrir hvern bíl sem er í daglegri notkun? Hvað kostar það? Ég hef séð mikinn kostnaðarmun á mismunandi útfærslum. Allt frá einföldum hellustæðum á 300 þús yfir í bílastæðahús sem kosta yfir 2,5 miljónir á stæði.
Ódýrasti kosturinn við að útbúa bílastæðin sem þessir 5000 bílar myndu þurfa væri þá meir en 1,5 milljarður. (Tvisvar sinnum endurbyggingin á húsum listasafnsins).
Niðurstaðan mín var einfaldlega sú að í staðinn fyrir að við gömlu hjónin værum með sitthvorn bílinn til að fara okkar daglegu ferða fékk ég mér reiðhjól fyrir 200 þúsund og fór að berjast af alvöru fyrir bættri aðstöðu strætó, gangandi fólks og þeirra sem vilja nota reiðhjól sem SAMGÖNGUTÆKI á Akureyri. (Ekki bara leikföng á góðviðrisdögum.)
-Ólafur Kjartansson, höfundur er fulltrúi VG í skipulagsráði Akureyrar.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
