20. nóvember - 27. nóvember - Tbl 47
Minni vinna–meiri tími með börnunum
Andri Teitsson
Hér á Akureyri eigum við samfélag sem er að flestu leyti mjög gott og til fyrirmyndar á landsvísu. Alltaf má þó gera gott betra og mér er sérstaklega hugleikið hvernig við getum skapað betra umhverfi fyrir barnafjölskyldur.
Eftir að fæðingarorlofi lýkur þurfa flestir foreldrar að vinna langan vinnudag til að ná endum saman eða einfaldlega af því að ekki er annað í boði en 100% starf. Væri það ekki áhugavert ef fleiri ættu kost á hlutastarfi eða sveigjanlegum vinnutíma, til að geta fengið nokkrar dýrmætar klukkustundir til viðbótar í hverri viku með börnunum sínum? Ég vil beita mér fyrir því að Akureyrarbær sem vinnustaður gangi á undan með góðu fordæmi og leggi aukna áherslu á að bjóða hlutastörf, sveigjanlegan vinnutíma og fjarvinnu, þar sem því verður við komið. Það myndi strax vera stórt skref því að hjá Akureyrarbæ og fyrirtækjum hans vinna meira en 1.500 manns.
Einhverjir foreldrar gætu kosið að minnka við sig starfshlutfall og þótt það myndi eitt og sér þýða lækkun tekna, þá gæti það unnist til baka til dæmis með lægri kostnaði við leikskóladvöl eða frístund í skólanum. Svo eru líka skýr fordæmi um að tekist hafi að þjappa 8 klst. vinnudegi saman á styttri tíma með til dæmis að stytta kaffitíma og auka skilvirkni á vinnustaðnum. Þá þarf styttri viðvera á vinnustað ekki að þýða neina tekjuskerðingu. Allt þarf þetta að sjálfsögðu að gerast í góðu samstarfi vinnuveitanda, starfsfólks og stéttarfélags.
Einhver kann að spyrja hvort það sé ekki óhagstætt fyrir atvinnurekendur að gefa kost á lægra starfshlutfalli, sveigjanlegum vinnutíma o.s.frv. en kannanir hafa sýnt að afköst starfsmanna haldast ekki hin sömu eftir því sem vinnutíminn lengist. Þannig ætti beinlínis að geta verið hagstæðara að hafa starfsmann í 6 klst. á dag frekar en 8 klst.
Loks vil ég benda á að þótt næga vinnu sé að hafa á Íslandi um þessar mundir, þá er fjórða iðnbyltingin hafin og henni mun fylgja meiri sjálfvirkni og minni þörf fyrir vinnandi hendur. Til framtíðar litið er þess vegna óhjákvæmilegt að heilmiklar breytingar verði á vinnumarkaðnum og ekki eftir neinu að bíða að hefja þá aðlögun.
L-listinn vill gera raunverulegar breytingar á umhverfi barnafjölskyldna á Akureyri. Taktu þátt í því með okkur með að kjósa „L fyrir Lífsgæði“.
Andri Teitsson á sex börn og skipar annað sæti á L-listanum fyrir bæjarstjórnarkosningar á Akureyri í vor.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
