20. nóvember - 27. nóvember - Tbl 47
Mikilvægi góðrar geðheilsu fyrir ungmenni
Í starfi mínu sem framhaldsskólakennari hef ég séð hversu mikilvæg góð geðheilsa er. Þar sem langflest íslensk ungmenni hefja framhaldsskólanám á þessum aldri ætti að vera ljóst að skólinn er mikilvægur vettvangur fyrir geðrækt.
Fjölmargar rannsóknir hafa sýnt núna á síðari árum að skólar og menntun eru meðal helstu áhrifavalda geðheilbrigðis barna og ungmenna. „Heilsueflandi framhaldsskólar‟ er heildstætt heilsueflingarverkefni sem Embætti landlæknis kom á fót árið 2007 og er framhaldsskólinn á Húsavík þar virkur þátttakandi. Meginmarkmið þess er að stuðla að enn betri heilsu nemenda og starfsfólks í framhaldsskólum og eru skólarnir sjálfir hvattir til að móta sér þar langtímastefnu.
Alls eru fjögur viðfangsefni í verkefninu „Heilsueflandi framhaldsskóli‟ og er eitt þeirra geðrækt. Einungis eitt málefni er tekið fyrir á hverju ári og skólaárið 2016-2017 er geðræktarár í FSH. Lagt er upp með heildarskólanálgun þar sem geðræktarverkefnið er samtvinnað við annað starf í skólasamfélaginu auk þess sem tengslin við jafnt foreldra sem nærsamfélag er styrkt.
Geðheilsa og vellíðan er eitt af lykilatriðum í lífi hvers einstaklings og þjóðfélags. Farsæl samfélagsleg þróun, jákvæð félagsleg samskipti, almenn lífsgæði og félagslegt réttlæti er allt m.a. komið undir góðri geðheilsu. Á síðari árum hefur orðið mikil vitundarvakning í þessum efnum.
Geðrækt þykir sértaklega mikilvæg hjá ungu fólki sem er að fara í gegnum umbrotatíma frá barnæsku yfir á fullorðinsár. Margvísleg þroskaverkefni einkenna þennan tíma eins og að öðlast sjálfstæði frá foreldrum og forráðamönnum, mótun sjálfsmyndar, tengjast öðrum nánum tilfinningaböndum og ákvarða menntun og framtíðarstörf. Miklar félagslegar breytingar hafa orðið á samfélaginu síðustu áratugi. Upp eru runnir tímar þjóðfélaga sem nefnd eru postmodernísk og einkennast af skjótum samskiptum, risafjölmiðlum, netnotkun, gríðarlegu upplýsingastreymi og alþjóðavæðingu.
Þessum breytingum í lífi ungmenna getur fylgt andlegt álag og ýmis konar geðheilsuvandi sem getur sett mark sitt á líf þeirra með alvarlegum hætti. Geðheilsuvandi í einni eða annarri mynd er það heilsuvandamál sem er algengast meðal ungs fólks í dag. Fram hefur komið í ítarlegum rannsóknum að algengast sé að geðraskanir komi fyrst fram hjá unglingum og ungu fólki á aldursbilinu 13 til 24 ára, eða um 75% allra geðraskana. Fram kemur í vel rökstuddum rannsóknum að á hverju ári glími u.þ.b. fjórðungur ungmenna á þessu aldursbili við geðraskanir af einhverju tagi. En þá má spyrja hvort þeir sem ekki hafa geðraskanir teljist þar með sjálfkrafa geðheilbrigðir? Samkvæmt Alþjóðaheilbrigðisstofnuninni er geðheilbrigði ekki aðeins það að vera laus við geðraskanir heldur einnig það „ástand þar sem okkur líður vel, getum nýtt hæfileika okkar til fulls, tekist farsællega á við verkefni daglegs lífs og átt uppbyggileg og ánægjuleg samskipti við fólkið í kringum okkur“.
Í ljósi þess að stór hluti hvers aldurshóps hér á landi innritast í framhaldsskóla ætti að vera ljóst að þeir eru mikilvægur vettvangur til að efla geðheilbrigði og draga úr eða koma í veg fyrir geðraskanir. Góð geðheilsa stuðlar að farsælu námi og jákvæðu þjóðfélagi.
Gunnar Árnason
Kennari við FSH
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
