Mikilvægi fjölbreytni í ferðaþjónustu!
Þegar fólk er spurt hvað knýi efnahagsbatann á Íslandi síðustu ár er svarið jafnan: „Ferðaþjónustan.“ Gróskan í ferðaþjónustu er orðin styrkasta stoð íslensks efnahagslífs, enn stærri en sjávarútvegur og orkusækinn iðnaður, og eykur á nauðsynlega fjölbreytni atvinnulífs. Með sama hætti er mikilvægt að næg fjölbreytni sé innan ferðaþjónustunnar sjálfrar.
Þegar talað er um fjölbreytni innan ferðaþjónustu er ekki einungis átt við margbreytilegt framboð á afþreyingu og þjónustu við ferðalanga. Miklu skiptir líka fjölbreytni þeirra hópa gesta sem hingað sækja. Engu að síður koma annað veifið fram gagnrýnisraddir sem reyna að gera lítið úr sumum hópum ferðafólks, rétt eins og stýrð einsleitni sé lausnarorð til framtíðar. Hér má nefna gagnrýni á bakpokaferðalanga sem gangi eða hjóli um landið og fari sparlega með peningana sína og á farþega skemmtiferðaskipa sem séu „fyrir öðrum ferðamönnum!“
Einn besti mælikvarðinn á velgengni fyrirtækja er ánægja viðskiptavina, sem mæla gjarnan með þjónustu viðkomandi fyrirtækis við aðra. Sama lögmál gildir um ánægju viðskiptavina með áfangastaði á borð við Ísland og íslenska ferðaþjónustu. Bakpokaferðalangarnir, sem landið okkar laðar til sín, eru margir hverjir efnalitlir námsmenn er að loknu námi komast í meiri álnir og sækja okkur aftur heim sem slíkir. Farþegar skemmtiferðaskipa eru andstæða við fátæka bakpokaferðalanga að því leyti að þeir eru yfirleitt vel stæðir. Líkt og bakpokaferðalangarnir koma þeir gjarnan aftur til lengri dvalar á öðrum forsendum sem „hefðbundnari ferðamenn“. Gríðarmiklu skiptir líka gott umtal þessara ólíku hópa um landið eftir góð kynni. Gott orðspor er viðvarandi verkefni innan ferðaþjónustunnar sem alltaf þarf að hlúa að og þar þurfum við að eiga sem flesta og fjölbreyttasta meðmælendur.
Reynsla annarra þjóða sýnir að ferðaþjónusta getur verið afar viðkvæm fyrir ytri áhrifum. Hér heima er skemmst að minnast gossins í Eyjafjallajökli og áhrifa þess á flugsamgöngur, afbókanir og fækkun ferðamanna á þeim tíma. Alkunna er að ferðaþjónustan gæti átt undir högg að sækja ef hér yrði stórgos á næstu árum sem jafnvel hamlaði flugi til og frá landinu um lengri tíma. Í því sambandi er vert að benda á að skemmtiferðaskip eru ekki nándar nærri eins viðkvæm fyrir slíkum náttúrhamförum. Þannig hafði gosið í Eyjafjallajökli lítil sem engin áhrif á komu skemmtiferðaskipa hingað til lands. Við slíkar aðstæður getur því verið gott að hafa ekki öll eggin í sömu körfu!
Til fróðleiks
Komur skemmtiferðaskipa skiluðu þjóðarbúinu á 8. milljarð króna í tekjur árið 2017 og sköpuðu um 300 heilsársstörf, mörg hver á landsbyggðinni þar sem ferðaþjónustan á undir högg að sækja. Þetta gerðist þrátt fyrir að farþegar skemmtiferðaskipa væru einungis um 6% ferðmanna hér á landi.
Pétur Ólafsson, hafnarstjóri Hafnasamlags Norðurlands og formaður Cruise Iceland.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
