Leiðin langa frá orðum til athafna
Mikið var hressandi að heyra viðtal í ríkisútvarpinu í morgun (27.08) við Leó vin minn Árnason frumkvöðul að nýjum miðbæ á Selfossi. Þar var ekki verið að biðjast afsökunar á kröftugu átaki sem fylgir því að koma slíku framfaramáli í gegn og ekki sífellt verið að leita leiða til að komast sér hjá að framkvæma hlutina. Frumkvæði og framfarahugsun einstaklinga og bæjarfélagsins er greinilega þeirra leiðarljós og nú verður strax hafist handa við að byggja upp nýjan miðbæ á Selfossi.
Þetta er nú eitthvað annað en við þurfum að búa við hér á Akureyri síðustu árin eftir að deiliskipulag miðbæjarins okkar var samþykkt samhljóða í bæjarstjórn árið 2014. Frá þeim tíma hefur nákvæmlega ekkert gerst af hálfu bæjaryfirvalda við að koma skipulaginu til framkvæmda. Visin hönd bæjarstjórnar og bæjarkerfisins síðustu ár hefur stoppað allt af og einlægt afsakað sig með því að ekki séu allir sammála um einstakar lausnir og útfærslur og því sé farsælast að gefa sig aðgerðarleysinu á vald. Slíkur er metnaðurinn í okkar ástkæra bæ eftir að búið var að vinna í tíu ár að skipulaginu í góðu samráði við bæjarbúa eins og ég hef oft rakið á opinberum vettvangi.
Vitað er að uppi voru mikil álitamál á Selfossi um grunvallaratriði í hinu nýja skipulagi, en að lokum var komist að niðurstöðu og nú er tími fræmkvæmda framundan og ekkert hik og engin verkfælni eins og við megum búa við hér fyrir norðan. Með nýja miðbænum okkar var til að mynda ákveðið að hann yrði vistvænn og hefði í forgangi þarfir gangandi fólks í samskiptum við farartæki. Nú eru hins vegar uppi hugmyndir um að breyta um kúrs og gera Glerárgötuna að hraðbraut með þeim hávaða og mengun sem því fylgir. Enn er verið að vandræðast með hvar umferðarmiðstöð eigi að vera enda þótt búið sé að ákveða það í skipulaginu.
Svo eru samþykktar ályktanir úti í bæ um að friðlýsa bílastæði í miðbænum eins og þau séu einhver náttúruundur sem þörf sé á að vernda. Í því sambandi er rétt að árétta að nýja skipulagið gerir ráð fyrir bílastæðum undir öllum húsum sem þar verða byggð auk þess sem opnað er á þann möguleika að byggja myndarlegt bílahús í eða við miðbæinn. Þannig er haldið áfam að fjasa um hluti sem búið er að ákveða í nýja skipulaginu og þess vegna ekki hægt að koma sér að verki. Hin sorglega staðreynd blasir við, að lítil sem engin verkstjórn hefur verið síðustu ár hjá bænum í þessum málaflokki. Þess í stað hafa menn stundað þá iðju að horfa hver á annan í ráðaleysi og hjalað um aukaatriði mánuðum og árum saman og ekkert gerist.
Með nýrri bæjarstjórn, nýjum bæjarstjóra og nýjum skipulagsstjóra er von til þess að breyting verði á og þessum vandræðagangi linni. Í viðleitninni til að efla bæinn okkar skiptir mestu að
ná markmiðinu sem sett var með nýja skipulaginu: „að miðbærinn verði þungamiðja mannlífs og menningar á Akureyri jafnt sem norðurlandi öllu.“ Ennfremur segir þar: „Stefna fyrir miðbæ Akureyrar miðar að því að skapa aðlaðandi byggð, fjölbreytta landnotkun, góð tengsl við byggð og náttúru og vistlegt göturými og torg.“ Allt er þetta er útlistað vandlega í 90 síðna greinargerð um miðbæjarskipulagið sem allir geta kynnt sér. Því ætti ekkert að vera að vanbúnaði að færa atburðarásina frá orðum til athafna.
-Ragnar Sverrisson, kaupmaður
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
