20. nóvember - 27. nóvember - Tbl 47
Hugleiðingar eftir fund framkvæmdaaðila við Bakkaverkefnið
Ofannefndur fundur var góður og fræðandi og þar fóru fulltrúar fjögurra stærstu framkvæmdaaðila yfir verkefnið, þ.e. PCC, þeir sem koma að hafnargerð, Landsnet og Landsvirkjun. Allir lögðu þeir mikla áherslu á góð samskipti við nærumhverfið og hvernig þeir gætu orðið þar að sem mestu liði.
Í framhaldinu af fundinum fór ég að hugleiða hvað ég myndi leggja til í þeim efnum og var af nógu að taka, því áhugamálin eru mörg. Læt þó nægja að nefna tvö atriði að þessu sinni.
Samstarf PCC og framhaldsskólanna?
Í fyrsta lagi: Hafa farið fram viðræður á milli fræðslustofnana á framkvæmdasvæðinu og PCC um menntun starfsmanna fyrirtækisins?
Á fundinum kom fram í máli fulltrúa PCC að væntanlegir starfsmenn fyrirtækisins þyrftu á margskonar námi og námskeiðum að halda. Og þá er spurningin hvort framhaldsskólarnir á svæðinu og Þekkingarnetið gætu ekki komið þar að málum? Fordæmið er til dæmis Alcoa og fræðslustofnanir á Austurlandi sem hafa samstarf um menntun starfsmanna Alcoa. Hugsanlega gæti slíkt samstarf stutt við framhaldsskólana á Húsavík og Laugum sem nú eiga í vök að verjast.
Aðstoð við nýtt skíða- og útvistarsvæði
Í öðru lagi þetta: Allir Húsvíkingar 30 ára og eldri muna þann tíma þegar snjór var í Húsavíkurfjalli og fjórar lyftur og togbrautir voru í fjallinu og náðu á toppinn. Á þeim árum voru Húsvíkingar stórveldi á skíðum og margir snillingar dönsuðu niður fjallið; fremstir í flokki Gísli í Ásgarði, allir fjölmörgu Íslandsmeistararnir og tveir ólympíufarar.
Nú er snjórinn að mestu hættur að setjast í fjallið og aðeins lyfturnar í Skálamel og Stöllum standa eftir og Stallalyftan ekki verið notuð í nokkur ár.
En í 10 mínútna fjarlægð frá Húsavík er búið að skipuleggja nýtt skíða- og útivistarsvæði. Þangað er kominn upphækkaður vegur með bundnu slitlagi og frá honum vegur að Reyðarárhnjúki, (Höskuldsvatnshnjúki), þ.e. að væntanlegum skíðabrekkum. Þar er einnig til staðar vatn og rafmagn sem nægir fyrir lyftur og annað tilheyrandi skíðasvæði. Það vantar bara skíðalyftuna, en hún er til staðar og bíður bara flutnings.
Þegar möstur voru sett upp í Stöllunum komst ekkert tæki upp svo mikinn bratta með steypu í sökklana svo fá þurfti þyrlu í það verk. Nú eru hér á svæðinu í tengslum við Bakkaframkvæmdir, öflug tæki svo sem beltagröfur sem gætu „labbað“ upp Stallabrekkur, tekið möstrin og komið á flutningsvagna, sem færu með þau á nýja skíðasvæðið og þau sett þar upp á nýjum stað.
Og þarna kemur að stuðningi aðila Bakkaframkvæmda. Ég legg til að þeir komi saman yfir kaffibolla og ákveði að sjá um þennan flutning og hafi það sem stuðning við samfélagið. Þeir eru með tæki og hafa yfirburðaþekkingu á að setja niður möstur.
Vilji og stefna allra
Með þessu væru þeir ekki aðeins að uppfylla hugmyndir mínar sérstaklega, því ég veit að sömu væntingar hafa allar fjölskyldur á Húsavík, svo og væntanlegar fjölskyldur sem eru að koma vegna aukinnar atvinnu á svæðinu. Ég veit einnig að forráðamenn sveitarfélagsins og sveitarstjórn Norðurþings, yrðu ykkur mjög þakklát – myndu ljúka verkinu og opna þetta frábæra skíða- og útivistarsvæði eins fljótt og mögulegt væri.
Og framfylgja með því stefnu allra framboða fyrir síðustu sveitarstjórnarkosningar.
Vilhjálmur Pálsson.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
