Eru díselrafstöðvar það sem koma skal?
Á málþingi um raforkumál á Norðurlandi sem Eyþing hélt í liðinni viku, í samstarfi við Samtök sveitarfélaga á Norðurlandi vestra (SSNV), Atvinnuþróunarfélag Eyjafjarðar og Atvinnu- þróunarfélag Þingeyinga, kom fram í máli Guðmundar Ásmundssonar forstjóra Landsnets að fyrirtækið væri farið að skoða möguleika á því að koma upp díselrafstöðvum til að tryggja raforkuöryggi á Eyjafjarðarsvæðinu og víðar.
Lítið gerst
Á málþinginu ræddi ég þá stöðu sem við búum við í raforkumálum hér á svæðinu og að ég væri orðinn langeygur eftir framkvæmdum. Staðan er raunverulega þannig að í dag er erfiðleikum bundið að taka við nýjum atvinnutækifærum hér á Eyjafarðarsvæðinu í óbreyttu ástandi og fyrirtæki hér í bæ hafa þurft að koma sér upp varaflsstöðvum sem knúin eru jarðefnaeldsneyti.
Nýlegt dæmi er dótturfyrirtæki bæjarins Norðurorka, sem hefur á liðnum árum sett sér afar metnaðarfulla umhverfisstefnu og það er sárt til þess að hugsa að fyrirtækið þurfi að notast við díselrafstöðvar til þess að draga úr áhættu við rekstur. Og Norðurorka er ekkert einsdæmi.
Er árið 2021 raunhæft?
Því miður hefur lítið sem ekkert gerst í uppbyggingu meginflutningskerfi raforkunnar á síðasta áratug og staðan er grafalvarleg. Fram kom í máli Guðmundar Ásmundsonar á málþinginu að Landsnet legði nú áherslu á lagningu Kröflulínu 3 og hefði lagt fram frummatsskýrslu vegna þeirrar framkvæmdar. Í framhaldi að Kröflulínu yrði svo ráðist í Hólasandslínu og væri undirbúningsvinna vegna lagningu þeirrar línu að hefjast. Fram hefur komið að lagningu Blöndulínu 3 hefur verið slegið á frest vegna andstöðu landeigenda bæði í Skagafirði og Hörgársveit.
Aðspurður svaraði Guðmundur því til að tenging milli Fljótsdals og Eyjafjarðar með Kröflu- og Hólasandslínu yrði í fyrsta lagi komin á 2021 en til þess þyrfti allt að ganga upp. En er það raunhæft?
Skortir stefnu
Í umræðum um raforkuflutninga er gjarnan þrýst á okkur sveitarstjórnarfólk um að við beitum okkur í þessum málum. Því miður er það svo að sveitarstjórnarfólk eitt og sér getur lítið gert í þessum málum annað en að beita þrýstingi á ríkið og það höfum við gert. Mikilvægt er að ríkið marki stefnu í raforkuflutningum, eins og því ber skv. lögum, en í drögum að byggðaáætlun er gert ráð fyrir að flutnings- og dreifikerfi raforku eigi að mæta þörfum atvinnulífs og almennings allstaðar á landinu hvað varðar flutningsgetu og afhendingaröryggi.
Já fögur fyrirheit en því miður er langt í land að þau náist. Því virðist hreinlega skorta skilning ráðamanna og meirihluta þjóðarinnar á þeirri stöðu sem við búum við í raforkumálum. Frekari uppbygging samfélags og atvinnu byggist á því að innviðir eins og raforkuflutningar séu í lagi og á það skortir verulega. Við þurfum því að halda áfram að beita þrýstingi á stjórnvöld og við sættum okkur ekki við að díselrafstöðvar séu það sem koma skal.
Guðmundur Baldvin Guðmundsson
formaður bæjarráðs Akureyrar og formaður Eyþings
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
