Endurbætur í húsnæðismálum Öldrunarheimila Akureyrar
Árið 2012 var stórt skref tekið í að bæta aðbúnað íbúa hjá Öldrunarheimilum Akureyrar (ÖA) þegar Lögmannshlíð, nýtt hjúkrunarheimili við Vestursíðu var tekið í notkun. Þangað fluttust 45 íbúar sem höfðu búið í afar óhentugu húsnæði í Kjarnalundi og Bakkahlíð. Húsnæðið þótti ekki boðleg lengur og hentaði illa fyrir þá starfsemi sem dvalar- og hjúkrunarheimilum er ætlað í nútímasamfélagi.
Hið nýja hjúkrunarheimili í Lögmannshlíð var hannað frá grunni út frá þekktum áherslum um sjálfstætt líf og á grunni Eden hugmyndafræðinar sem unnið er eftir á ÖA . Í Lögmannshlíð er íbúum boðið upp á góðar aðstæður sem eru með því besta sem völ er á, á nútíma hjúkrunarheimili, bæði innanlands og þó víðar væri leitað. Einkaherbergi íbúa eru rúmgóð og á öllum herbergjunum er snyrting með sturtu (alls um 36 fermetrar).
Við hönnun og byggingu hússins var faglegt og metnaðarfullt samstarf með starfsfólki ÖA og hönnuðum, sem stýrt var af Fasteignum Akureyrar/nú Umhverfis- og mannvirkjasviði. Á vegum Akureyrarbæjar hafa frá árinu 2000 verið veitt árleg verðlaun fyrir byggingarlist. Á síðasta ári var ákveðið að skoða byggingar sem reistar voru með tilliti til þeirrar starfsemi sem fram fer í húsnæðinu og hlaut Fanney Hauksdóttir arkitekt verðlaunin, fyrir hönnun Lögmannshlíðar en í niðurstöðu nefndarinnar segir:
„Heimili og umgjörð þess er eitt af lykilatriðum vellíðunar hvers og eins og skiptir fagurfræðileg mótun þar máli. Útfærsla Lögmannshlíðar og innra skipulag styður einstaklega vel við sett markmið um eiginleika hjúkrunarheimilisins. Í hverju húsi er sérstakur heimilisbragur sem stuðlar að samskiptum og gagnkvæmum stuðningi. Sameiginleg rými eru vel mótuð og mynda fallega umgjörð um daglegt líf íbúanna“.
Að flytjast á hjúkrunarheimili er hverjum einstaklingi stór ákvörðun og á samkvæmt lögum um málefni aldraðra, að vera síðasta þjónustuúrræðið í lengra ferli. Það þýðir að yfirleitt er flutningurinn ekki endilega val hjá íbúunum enda byggist ákvörðunin á þörf en ekki á eigin vali. Sumir finna fyrir létti og eru ánægðir með að komast inn í öryggið en öðrum finnst erfitt að sætta sig við þennan flutning. Flestir aðlagast þó fljótt en partur af því er að þeir geti gert herbergið að sínu t.d. með því að flytja með sér uppáhalds húsgögn, málverk, ljósmyndir og jafnvel gæludýr.
Íbúar Öldrunarheimila Akureyrar eru 183 og er húsnæði þeirra afar misjafnt hvað varðar einkarými. Það er vel búið að þeim sem eru í Lögmannshlíð en í elstu hlutum húsnæðisins í Hlíð búa 54 íbúar og sum herbergin aðeins 9 fermetrar. Þar er því þröngt að búa og líka erfitt að athafna sig ef viðkomandi íbúi þarf að nota hjálpartæki sem og fyrir starfsfólk að komast að við umönnun. Þar sem minnstu herbergin eru deila tveir íbúar snyrtingu eða jafnvel tíu íbúar með þrjár snyrtingar. Það er því víða aðkallandi þörf til að breyta og bæta aðstæður íbúanna þar sem núverandi húsnæði er úrelt og fullnægir ekki þeim kröfum sem gerðar eru til hjúkrunarheimila í dag.
Það er von okkar sem þetta rita, að Akureyrarkaupstaður haldi áfram með uppbyggingu og endurbætur á húsnæði hjúkrunar- og dvalarheimilisins í Hlíð, með sama metnaði og einkenndi velheppnaða uppbyggingu Lögmannshlíðar.
-Höfundar eru forstöðumaður í Lögmannshlíð og hjúkrunarforstjóri Öldrunarheimila Akureyrar
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
