Ég hef fundið sannleikann!
Ég var alinn upp í hálfgerðu Danahatri af mínu fólki og ekki bætti grunnskólakennsla í Laugarnesskólanum úr því. Fóstri minn kenndi Dönum um allt sem miður hafði farið hér á landi. Allt slæmt var af völdum Dana. Danir gerðu þetta og Danir gerðu hitt.
Einhverra hluta vegna smitaðist ég ekki af þessu bulli. Það var nefnilega þannig að þegar Gugga frænka kom frá Danmörku þá fékk ég alltaf stórt epli, þó að jólin væru ekki, og þarna hafði ég mín fyrstu raunverulegu kynni af Dönum. Það minnkaði ekkert álit mitt á Dönum þótt við töpuðum fyrir þeim í fótbolta 14-2.
Því eldri sem ég verð eykst álit mitt á Dönum. Engir aðrir en Danir hefðu skilað okkur handritunum, sjálfum bókmenntaarfi Norðurlanda. Þeim var það í sjálfsvald sett hvort þeir skiluðu þeim, en slík er vinsemd þeirra í okkar garð að þeir færðu okkur handritin á eigin skipum á sínum tíma.
Og eitt er víst, að ég hefði aldrei staðið með þeim sem höfðu forgöngu við skilnað okkar við þá. Það hefir margsannað sig að við erum ekki hæfir til að stjórna eigin landi, þar sem við höfum ekki stjórnhæfa menn. Á sínum tíma ógnaði Danakonungi svo spillingin í ættarveldinu á Íslandi að hann sendi sendinefnd til landsins til að kanna hvað væri að ske á Íslandi, misskipting var orðin það mikil í landinu að Dönum ógnaði og ættarveldið og kirkjan voru að sölsa allt undir sig. Allar jarðir sem voru einhvers virði, voru komnar undir ættarveldi og kirkju.
Hvar erum við svo stödd í dag, hverjir eiga landið og miðin? Nokkrar ættir halda áfram að sölsa undir sig auðlindirnar og þjóðkirkjan dansar með í þögninni og hverju hneyklismálinu á fætur öðru. Að lokum þessi tilvitnum í Paradísarheimt HKL:
„Að vakna við að maður hefur miss allt og veit að maður á ekki lengur neitt, er það þá að vera manneskja?“
Örn Byström, Einarsstöðum.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
