20. nóvember - 27. nóvember - Tbl 47
Draslið í vegkantinum
Hér getur að líta rusl sem skilið var eftir í vegkanti. Það er spurning hver eigi að hirða þetta upp? Mynd/Hneykslaður lesandi Skarps
Grein þessi birtist fyrst sem leiðari í prentútgáfu Skarps, 28. júní.
Lesandi Skarps leit við á ritstjórnarskrifstofunni á dögunum og var lítið eitt niðri fyrir. Hann dró fram og sýndi mynd sem hann hafði tekið af rusli í vegkanti rétt ofan við byggð; á leið upp á Reykjaheiði ofan Þverholts. Þarna hafði einhver tillitslaus umhverfis sóði (eða sóðar) kastað frá sér fuglabúri, svörtum ruslapoka fullum af drasli og úr sér gengnum garðhúsgögnunum.
Það er ekki hægt að segja annað en að manni fallist hendur yfir drullusokkshættinum í fólki sem gerir svona nokkuð. Ég er hreinlega í rusli yfir þessu. Ég vona svo sannarlega að sá eða sú sem í hlut kunna að eiga, lesi þetta og skammist sín í drasl.
Þegar ég var búinn að ná mér eftir mesta áfallið við að sjá þessa mynd, sló ég á þráðinn til umhverfisstjóra Norðurþings til að forvitnast um hvort hann hafi orðið var við annan eins sóðaskap í störfum sínum. Hann sagðist ekki þekkja svo gróf dæmi eins og ég lýsti fyrir honum en viðurkenndi að umgengni væri á stundum ábótavant víða í samfélaginu og nefndi sem dæmi eldstæði við Sprænugil og við Skógrækt norðan Skálamels. Hann sagðist fagna því að útivistarsvæðin væru notuð af almenningi; til þess væru þau en það kæmi því miður allt of oft fyrir að fólk skilji rusl eftir sig.
Nú er líka sá tími ársins að fólk er að taka til í görðum sínum og þarf þá vitanlega að losa sig við þann garðúrgang sem til fellur. Sveitarfélagið hefur eftir bestu getu reynt að halda gámasvæði opnu til að fólk geti farið og losað þennan úrgang þegar því hentar og flestir virðast geta farið eftir einföldustu tilmælum eins og að gámar undir garðúrgang eru AÐEINS fyrir garðúrgang en ekki plast eða annað ólífrænt sorp. Því miður er það þannig að of margir henda úrgangi sínum í ruslapokum í gáminn. Elsku fólk, viljið þið vinsamlegast tæma pokana og taka þá með ykkur heim aftur. Plast á ekki heima í þessum gámum. Ef þetta batnar ekki endar með því að þessi móttaka verði aðeins opin á hefðbundnum opnunartímum Gámaþjónustunnar, þá eruð þið búin að skemma fyrir okkur hinum, varla viljið þið það.
Ást og friður
Egill P. Egilsson
Ritstjóri um stundarsakir
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
