Bjarg íbúðafélag vill byggja á Akureyri
Verkalýðshreyfingin hefur haft frumkvæði að mótun og endurreisn félalgslegs leiguíbúðakerfis og beitt sér af krafti fyrir því að byggt verði upp varanlegt og traust kerfi. Við gerð síðustu kjarasamninga náðist mikilvægur áfangi í þessum efnum.
ASÍ og BSRB stofnuðu Bjarg íbúðafélag í lok árs 2016. Félagið er rekið án hagnaðarmarkmiða og er ætlað að tryggja aðgengi að hagkvæmu, öruggu og vönduðu íbúðarhúsnæði til langtímaleigu. Um er að ræða svokölluð leiguheimili að danskri fyrirmynd „Almene boliger“.
Markmið félagsins er að tryggja:
- Öryggi
- Langtímalausn
- Hagkvæma leigu
- Vandaðar og vel hannaðar íbúðir
- Spennandi kost fyrir fólk á leigumarkaði
Miklar vonir eru bundnar við stofnun og rekstur íbúðafélagsins, jafnframt verði barna- og húsnæðisbótakerfið stóreflt.
Fyrirhugað að byggja á Akureyri
Bjarg íbúðafélag hefur þegar samið við Reykjavíkurborg og Hafnarfjörð um byggingu leiguíbúða og standa yfir viðræður við önnur sveitarfélög um uppbyggingu.
Gleðilegt er að segja frá því að viðræður hafa einnig staðið yfir við Akureyrarkaupstað um uppbyggingu leiguíbúða, viljayfirlýsing um verkefnið hefur verið lögð fram og kynnt á fundi bæjarráðs. Eining-Iðja styður heilshugar starfsemi Bjargs íbúðafélags og bindur vonir við að fyrstu samningar um uppbyggingu á Akureyri verði undirritaðir fljótlega.
Búsetuúrræði
Kaup á fasteign er í flestum tilvikum ein mesta fjárfesting einstaklinga, og oftar en ekki er stofnað til mikilla skuldbindinga til að fjármagna kaupin.
Húsnæðisskortur er víðast hvar á landinu og hefur komið sérlega illa niður á vinnandi fólki. Húsnæðiskostnaðurinn hefur bitnað harkalega á lífsgæðum og möguleikum fólks til sjálfstæðrar búsetu. Þess vegna hefur verkslýðshreyfingin lagt áherslu á að byggðar verði íbúðir á viðráðanlegu verði fyrir fólk með lágar- og meðaltekjur. Hið opinbera verður að styðja búsetuúrræði fyrir þá sem vilja eignast húsnæði og ekki síður fyrir leigjendur.
Ný ríkisstjórn
Mörg úrlausnarmál bíða nýrrar ríkisstjórnar landsins. Í aðdraganda alþingiskosninganna kom glögglega í ljós að allir flokkar leggja áherslu á úrbætur í húsnæðismálum. Ekki verður öðru trúað en að ný ríkisstjórn taki þennan málaflokk föstum tökum.
Færa má sterk rök fyrir því að stjórnvöld beri ábyrgð á því ástandi sem ríkt hefur í húsnæðismálum á undanförnum árum. Ríkisstjórninni ber því skylda til að finna varanlegar lausnir og veita fjármunum til málaflokksins.
-Höfundur er formaður Einingar-Iðju og Starfsgreinasambands Íslands
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
