20. nóvember - 27. nóvember - Tbl 47
Áskoranir og tækifæri í stjórnun árið 2023
Herdís Pála Pálsdóttir
Flest öll fylgjumst við vel með og fögnum alls kyns þróun og breytingum í umhverfi okkar, væntanlega einna helst allri þeirri áhugaverðu tækniþróun sem við sjáum nánast daglega og virðist verða meiri og hraðari með hverjum degi. Tækniþróun sem getur sparað kostnað en ekki síður tækniþróun sem getur losað um hæfni, búið til ný tækifæri og skapað aukið virði.
Aðrar stórar breytingar í umhverfi okkar nú og á undanförnum árum eru t.d. aukin alþjóðavæðing, aukin áhersla á umhverfismál, aukið langlífi, aukin fjölmenning o.fl.
Aðrar minni en áhrifamiklar breytingar eru t.d. breyttar hugmyndir fólks um vinnu, breyttar fjölskyldugerðir, fjölgun kynja, vaxandi einstaklingshyggja, aukinn einmannaleiki, væntingar um aukna og almenna velsæld og það aukna virði sem fólk er almennt farið að setja á tíma sinn.
En af hverju þessi upptalning á breytingum þegar ræða á um áskoranir og tækifæri í stjórnun? Vegna þess að þessar breytingar hafa allar áhrif á framtíð vinnu, vinnustaða, vinnuumhverfis, vinnuafls og vinnumarkaðar. Það er því mikilvægt að taka þær með í umræðuna um stjórnun í dag, en það hefur sennilega sjaldan verið jafn snúið og á sama tíma jafn mikilvægt og nú, að sinna stjórnun vel.
Þær áskoranir sem við höfum áður glímt við og þær aðferðir sem við höfum áður beitt í stjórnun eru mjög líklega ekki þær sem munu skapa okkur mestan árangur til framtíðar litið.
Viðskiptavinir, skjólstæðingar, starfsfólk og aðrir hagaðilar vinnustaða eru stöðugt að uppfæra sínar hugmyndir og væntingar um hvernig þeir vilja lifa og starfa og því mikilvægt að stjórnun og stjórnunaraðferðir séu reglulega endurskoðaðar til að tryggja sem bestan árangur, á allan þann fjölbreytta hátt sem við getum mælt árangur, fjárhagslegan og ófjárhagslegan. Má í því samhengi benda á velsældarvísa á vef Hagstofunnar, þar sem birtir eru mælikvarðar um hagsæld og lífsgæði á Íslandi.
Stjórnun sem verkfæri til árangurs
Eitt helsta áhyggjuefni margra stjórnenda í dag er hvernig megi auka og mæla framleiðni starfsfólks, ekki síst þegar starfsfólk er farið að vinna meira í fjarvinnu en margir stjórnendur eru vanir.
Einnig eru margir vinnustaðir að glíma við skort á vinnuafli, aukna starfsmannaveltu og minna umburðarlyndi starfsfólks fyrir þáttum í starfsumhverfinu sem það telur ekki í lagi.
Algengasta ástæða þess að fólk svo íhugar, eða segir upp starfi er samband við næsta yfirmann.
Það má því ljóst vera að það blasa við okkur ýmsar áskoranir en á sama tíma tækifæri, þegar kemur að því að nota stjórnun sem verkfæri til enn frekari árangurs.
Hvernig getum við endurskoðað stjórnun og stjórnunaraðferðir til að bregðast við þessum þáttum?
Flestir vinnustaðir á Íslandi teljast litlir eða meðalstórir – þar sem stjórnendur taka oft ekki nægan tíma í að lesa í breytingar og framtíðina og til að sinna stjórnun starfsfólks, til að byggja upp traust, bæta samstarf, veita gagnlega og uppbyggjandi endurgjöf, hvetja fólk til almennra dáða, vaxtar og þroska.
Þar liggja heilmikil tækifæri til breytinga.
Komdu á opinn fræðslufund Mannauðs, þriðjudaginn 7. mars kl. 9:00-9:45, sem haldinn er í húsnæði Símey, Þórsstíg 4.
Skráning á www.mannaudsfolk.is
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
