Akureyringar-Norðlendingar, lífsakkeri ykkar
Leyfi mér að setja á blað nokkrar línu varandi öryggismál ykkar. Gerið þið ykkur grein fyrir því að formaður Samfylkingarinnar sem er í framboði í ykkar kjördæmi er að vinna gegn ykkur og er jafnframt stuðningsmaður meirihlutans í Reykjavík um að rýra gildi Reykjavíkurflugvallar með öllum tiltækum ráðum. Flokkurinn kennir sig við jafnaðarmennsku, þá má spyrja eru sumir jafnari en aðrir?
Þegar þetta er ritað er sýnt að Þjóðarsjúkrahúsið verður í Reykjavík, því er nauðsyn að flugvöllurinn geti sinnt sínu hlutverki og greiðar samgöngur liggi að því. Það koma um 600 flug árlega til Reykjavíkur frá landsbyggðinni með sjúklinga, þá eru þyrluflug ekki meðtalin. Því miður eru of margir stjórnmálamenn sem skilja ekki hlutverk sitt, að þeir eru í vinnu hjá okkur og eiga að hugsa um almenning. Er þetta mögulega ástæða þess að almenningur hefur misst trú á stjórnmálamönnum?
Undirritaður býr á höfuðborgarsvæðinu og lenti í alvarlegum veikindum fyrir 2 árum sem hefðu ekki þolað mikla bið. Í hreinskilni sagt, ef ég hefði búið í dreifbýlinu fjarri höfuðborginni hefði ég ekki verið að skrifa þetta í dag. Í mínum huga er ég ekki að hugsa þetta í pólitískum tilgangi, réttlæti er mér efst í huga. Reykjavík er höfuðborg alls landsins og hefur ríkar skyldur gagnvart landsmönnum öllum. Því miður gera borgaryfirvöld sér ekki grein fyrir þessu.
Hef átt samtal við borgarstjóra, sem er læknismenntaður, en kærir sig kollóttan um öryggi annarra landsmanna. Undirskriftir sjötíuþúsund Íslendinga um veru Reykjavíkurflugvallar í Vatnsmýrinni virðast ekki skipta neinu máli. Að mínu viti eigum við að sýna löndum okkar í hinum dreifðu byggðum landsins þá virðingu, að líf þeirra sé eins mikils virði og okkar á suðvesturhorninu. Er umhyggja og náungakærleikur að hverfa hjá íslenskri þjóð? Er það ásættanlegt að rýra möguleika ykkar til þess að komast undir bráða læknisþjónustu í tæka tíð?
Síðan er Reykjavíkurflugvöllurinn gríðarlega þýðingamikill fyrir innanlandsflugið og sem varaflugvöllur fyrir millilandaflug. Faðir minn ólst upp á Akureyri og lagði flugið fyrir sig, því ber ég hag ykkar fyrir brjósti.
Látum lífið njóta vafans!
-Höfundur er bankastarfsmaður
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
