20. nóvember - 27. nóvember - Tbl 47
Að leyna tækifærum
Edward H. Huijbens og Sóley Björk Stefánsdóttir
Nokkrar umræður hafa sprottið vegna sölu Akureyrarbæjar á hlut sínum í nýsköpunar- og fjárfestingarsjóðnum Tækifæri til samvinnufélagsins KEA. Borið hefur á tortryggni þar sem virði hlutarins, sem seldur var á nafnvirði, er óljós þar sem salan fór ekki fram á opnum markaði. Fór hún fram í lokuðu ferli og færð í trúnaðarbók bæjarráðs, án þess að leyndinni hafi svo verið aflétt að ferli loknu.
Nú er svo að einhugur var í bæjarstjórn um forsendur sölunnar meðal allra flokka. Bæjarfulltrúar voru sammála um að Akureyrarbær ætti ekki að eiga fé í fjárfestingasjóði, allra síst sjóð sem tekur áhættu í sínum fjárfestingum eins og nýsköpunarfjárfestingar eru. Að auki var einhugur um að ekki sé eðlilegt að bærinn eigi í gegnum slíkan sjóð hluta í fjölmiðlum á svæðinu.
Bæjarfulltrúar gengust einnig inn á að eðlilegt væri að færa tilboð KEA í trúnaðarbók, en allir eru þeir sammála um að mistök hafi verið að aflétta ekki trúnaði af málinu og færa í opna fundargerð. Einnig hefur því verið lýst yfir að betra hefði verið að selja bréfin í opnu söluferli.
Það hefur þó ekki reynst nægilegt að bæjarráð hafi sent frá sér yfirlýsingu þar sem mistök eru játuð. Enn er mikil tortryggni vegna málsins í samfélaginu og aftur og ítrekað eru bæjarfulltrúar spurðir út í málið. En það er afar eðlilegt.
Það er nefninlega þannig að öll leynd skapar tortryggni. Ef við byggjum við opnari stjórnsýslu og meira gegnsæi, svo ekki sé nú talað um meira samráð og íbúalýðræði, þá gætum við öll lifað mun áhyggjulausara lífi. Íbúar, blaðamenn, pólitíkusar og embættismenn, við gætum öll treyst hvert öðru betur. Það yrði eflaust meira vesen og meiri vinna. Pólitíkusar og embættismenn þyrftu að birta meira af gögnum sem sýndu að ákvarðanir væru teknar á málefnalegum forsendum. Íbúar og fréttamenn þyrftu þá líka að lesa meira af gögnum. En það væri þessi virði. Það er nefninlega alveg agaleg orkusóun að vera fullur tortryggni, eða að óttast gagnrýni. Auðvitað eru og verða skipta skoðanir um allt, og auðvitað mun fólk taka með ólíkum hætti á rökræðu um mál bæjarins. Þessu eiga kjörnir fulltrúar ekki að kvíða, heldur fagna, sperra eyrun og reyna að greina hvað þær raddir sem hljóma eru í raun að segja þeim. Lýðræðið er í raun afar kaótískt kerfi, en rétt eins og hraustustu vistkerfi þessa heims þá nærist það á fjölbreytni og hreinum og beinum, kröftugum boðskiptum. Tækifærin sem í opinni stjórnsýslu og meira gagnsæi felast eru óendanleg, og spurning er aðeins um hver þorir að rækta þau.
Það er hægt að gera svo miklu betur í þessum efnum og við í Vinstri grænum munum halda áfram að berjast fyrir og vinna að opinni og gagnsærri stjórnsýslu. Á endanum hljóta allir að sannfærast um að það er eina leiðin til að starfrækja nútíma samfélag og sú mikla meinsemd sem leyndarhyggjan er mun þurfa undan að láta.
-Edward H. Huijbens og Sóley Björk Stefánsdóttir, Vinstri græn, Akureyri
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
