Vikudagur kemur út í dag
Vikudagur kemur út í dag, fimmtudaginn 2. maí eftir stutt páskafrí. Í blaði vikunnar er að vanda farið um víðan völl, áhugaverðar fréttir, mannlíf, íþróttir og menning.
Meðal efnis í blaðinu:
- Framkvæmdir við hótel sem KEA hyggst reisa við Hafnarstræti 80 á Akureyri munu frestast vegna þeirrar óvissu sem uppi er í ferðaþjónustu vegna falls WOW air. Þetta segir Halldór Jóhannsson framkvæmdastjóri KEA í samtali við Vikudag. Þá segist Halldór enn bjartsýnn á viðbyggingu flugstöðvar á Akureyrarflugvelli.
-Birna Baldursdóttir hefur átt magnaðan íþróttaferil, bæði sem blakari og íshokkíleikmaður. Hún rak endahnútinn á glæstan feril með því að verða Íslandsmeistari með KA í blaki á dögunum þegar liðið sigraði HK í úrslitaeinvíginu. KA varð einnig deildar-og bikarmeistari í vetur. Birna hefur nú lagt blakskóna á hilluna en óhætt er að segja að hún hætti á toppnum. Vikudagur spjallaði við Birnu.
-Framkvæmdir við byggingu stöðvarhúss Tjarnavirkjunar í Eyjafjarðarsveit eru að hefjast þessa dagana í landi Halldórsstaða. Virkjunin nýtir ca. 50 metra fall í Eyjafjarðará og mun afkasta um 1 MW í raforkuframleiðslu.
- Andrésar andar leikarnir í skíðaíþróttum fóru fram í Hlíðarfjalli við Akureyri sl. helgi. Andrésarleikarnir eru eitt stærsta skíðamót landsins með um 1000 keppendur á aldrinum 4-15 ára ár hvert. Þórir Tryggvason ljósmyndari fangaði stemmninguna í fjallinu.
-Pálmi Gunnarsson tónlistarmaður var valinn bæjarlistamaður Akureyrar 2019-2020 en valið var tilkynnt á Vorkomu stjórnar Akureyrarstofu á Sumardaginn fyrsta. Rætt er við Pálma í blaðinu.
-Keppni í Pepsi Max-deild kvenna og Inkasso-deild karla í knattspyrnu hefst um helgina. Vikudagur hitar upp fyrir boltann og í blaðinu er rætt við Svein Elías Jónsson fyrirliða Þórs og Halldór Jón Sigurðsson þjálfara Þórs/KA og rýnt í sumarið.
Þetta og meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember.
