20. nóvember - 27. nóvember - Tbl 47
Vikublaðið kemur út í dag
Vikublaðið kemur út í dag, fimmtudaginn 15. október og er farið um víðan völl í blaði vikunnar.
Meðal efnis:
*Stefnt er að því að flugferðir hefjist frá Hollandi til Akureyrar í febrúar á næsta ári. Hjalti Páll Þórarinsson, verkefnastjóri Flugklasans Air 66N, sem m.a. hefur það verkefni að efla millilandaflug um Akureyrarflugvöll, segir í samtali við Vikublaðið að ferðaþjónustan hafi haldið góðu sambandi við Voigt Travel síðustu mánuði og þar á bæ er stefnan enn sú sama; að byggja upp aukna umferð beint til Akureyrar til framtíðar. Hjalti segir að í stað hefðbundinna verkefna undanfarna mánuði hafi flugklasinn einbeitt sér að því að halda tengslum úti á mörkuðum og fylgjast með þróun mála þar.
*Starfsfólki leikskólans Grænuvalla á Húsavík hefur verið sagt upp ákvæði í ráðningasamningi sem lítur að greiðslu á 11 yfirvinnutímum vegna sveigjanlegra neysluhléa. Samkvæmt upplýsingum frá Norðurþingi er gert ráð fyrir að aðgerðirnar spari sveitarfélaginu um 24 milljónir á ári. Starfsmenn Leikskólans á Grænuvöllum komu saman til fundar í síðustu viku til að bregðast við ákvörðun Norðurþings
*Vernharð Þorleifsson garðinn frægan sem einn helsti júdókappi okkar Íslendinga en þurfti að hætta um þrítugt vegna slitgigtar. Vernharð vakti einnig talsverða athygli sem Venni Páer úr samnefndum sjónvarpsþáttum sem sýndir voru á Skjá einum árið 2006. Vernharð er Norðlendingur vikunnar að þessu sinni.
*Þorkell Ásgeir Jóhannsson, fyrrum flugstjóri hjá Mýflugi, sem sér um sjúkraflutninga í lofti, varar við því að bæjaryfirvöld á Akureyri heimili að reist verði háhýsabyggð á Oddeyri eins og áætlanir eru um. Þorkell segir að það geti haft alvarlegar afleiðingar að reisa háhýsi í flugbrautarstefnu Akureyrarflugvallar. Í grein sem Þorkell skrifar í blaðinu rekur hann tvö atvik er varðar flugöryggi og setur það í samhengi við fyrirhugaðar byggingar á Oddeyrinni.
*Ungu hjónin Guðrún Lilja Guðrúnardóttir og Brynjar Þór Vigfússon létu drauma sína rætast fyrir nokkrum árum og fluttust í sveit. Þau settust að á bænum Gilhaga í Öxarfirði en Brynjar er ættaður þaðan. Á haustdögum 2018 tóku hjónin við verkefni sem hafði verið í undirbúningi í tengslum við byggðaverkefnið Öxarfjörður í sókn. Verkefnið snerist um uppsetningu á spunaverksmiðju í Öxarfjarðarhéraði sem ynni úr ull af svæðinu. Rætt er ítarlega við hjónin í blaðinu.
*Búið er að fella niður leghálsskimanir á Akureyri um óákveðinn tíma vegna. Marta Kristín Jónsdóttir, staðgengill framkvæmdastjóra Krabbameinsfélags Akureyrar og nágrennis, segir í samtali við Vikublaðið að þetta sé verulega slæmt.
*Íris Fönn Gunnlaugsdóttir sér um matarhornið þessa vikuna, Hulda Hafliðadóttir skrifar bakþankapistil og María Aðalsteinsdóttir heldur um Áskorendapennan.
Hægt er að gerast áskrifandi með því að smella hér.
Nýjast
-
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni.
