Útfararþjónusta Akureyrar leigir líkhús og athafnarými Innheimt verður 30 þúsund króna gjald
Útfararþjónusta Akureyrar ehf hefur tekið líkhúsið á Akureyri á leigu. Félagið hefur alla tíð verið aðskilið frá opinberum rekstri kirkjugarðanna. Útfararþjónustunni er heimilt að innheimta gjald til að standa undir rekstrinum og er gert ráð fyrir að grunngjald verði um 30 þúsund krónur fyrir allt að 20 daga en hækkar eftir það.
Smári Sigurðsson framkvæmdastjóra Kirkjugarða Akureyrar, KGA segir að stjórn KGA hafi á fundi í haust ákveðið að draga sig alfarið frá rekstri líkhúss og athafnarýmis, en þá var ár liðið frá því líkhúsið var auglýst til sölu. Án árangurs.
„Niðurstaðan varð sú að hið gamalgróna fyrirtæki Útfararþjónusta Akureyrar sem hefur verið til frá því um mitt ár 1997 tæki líkhúsið á leigu. Að öðrum kosti sáum við fram á að þessi þjónusta hefði lagst af hér í samfélaginu þar sem fyrirtækið hefði ekki útfararleyfi án aðgengis að líkhúsi,“ segir Smári.
Nú er staðan breytt
Frá því líkhúsið á Naustahöfða var opnað um mitt ár 1997 og þar til 1. desember síðastliðinn hefur líkhúsið staðið öllum opið sem á hafa þurft að halda og án endurgjalds. Sama hvort heldur er útfararþjónustur vítt og breitt um landið auk lögreglu. „Nú er staðan breytt,“ segir Smári. „KGA hefur hætt rekstri gjaldfrjálsa líkhússins, Útfararþjónusta Akureyrar hefur tekið við rekstrinum og mun þar af leiðandi innheimta þjónustugjöld a.m.k. upp í hluta af rekstrargjöldum við þetta stóra og mikilvæga hús.“
Smári Sigurðsson framkvæmdastjóra Kirkjugarða Akureyrar
Smári segir að gert sé ráð fyrir grunngjaldi sem verði um 30 þúsund krónur og miðað við að lík séu þá geymd í allt að 20 daga. „Ástæðan fyrir því að gjaldið hækkar eftir 20 daga er sú að vistunartími í líkhúsi hefur verið að lengjast undanfarin misseri. Ætla má að 10 til 15 dagar ættu að vera nægur tími undir eðlilegum kringumstæðum til að koma látnum ástvinum til grafar,“ segir hann. Tæplega 200 látnir fóru um húsið á liðnu ári.
Síðasta hálmstráið
Smári rifjar upp að frá árunum eftir hrun hafi verið endalaus niðurskurður á rekstrarfé kirkjugarða. Tveir kirkjugarðar, á Akureyri og í Reykjavík hafi þráast við og haldið úti starfsemi líkhúsa án þess að hafa til þess rekstrarfé. Hagrætt hafi verið í rekstri, viðhaldi mannvirkja og endurnýjun tækjabúnaðar frestað þrátt fyrir stóraukin fjölda greftrana með tilheyrandi fjölgun fermetrar í umhirðu. „Rekstur líkhúss og athafnarýmis hjá KGA var því síðasta hálmstráið til að mæta frekari hagræðingu í rekstri,“ segir hann. Bendir einnig á að Umboðsmaður Alþingis hafi ítrekað bent ríkisvaldi á að skerpa leikreglur og setja fram skilgreiningar á því hvernig eigi að reka líkhús og hver megi gera það, en árangurinn sé enginn. „Þrátt fyrir að allar upplýsingar hafi legið fyrir í ráðuneytinu árum saman er engin sýnileg lausn á borðinu.“
Nýjast
-
Nautgriparæktarverðlaun BSE afhent Góður árangur á Stóra-Dunghaga
Ábúendur í Stóra-Dunhaga fá nautgriparæktarverðlaun Búnaðarsambands Eyjafjarðar fyrir árið 2024 fyrir frábæran myndarbúskap og öflugt ræktunarstarf. Verðlaunin voru afhent á aðalfundi BSE. -
Glugginn í Hafnarstræti 88 í ævintýraskapi í apríl
Í tilefni af barnamenningarhátíð Akureyrar er GLUGGINN í Hafnarstræti 88 í ævintýraskapi út apríl. Leikföng, sum frá fyrri tíð og ýmis hugðarefni barna og unglinga prýða gluggann í alls konar sviðsmyndum. Gluggasýningin er ætluð til að vekja forvitni, gleði og skapa skemmtilegan áfangastað í gönguferðum. Sýningin hentar öllum aldurshópum. -
Norlandair flýgur til Hornafjarðar út ágúst
Vegagerðin hefur fyrir hönd ríkisins samið við flugfélagið Norlandair um að fljúga tíu flugferðir á viku milli Hornafjarðar og Reykjavíkur á tímabilinu 1. apríl til 31. ágúst. -
Svifryk spillir loftgæðum
Svifryk hefur mikil áhrif á loftgæði á Akureyri í þessari stillu sem nú er, á heimasíðu bæjarins er varað við þessu ástandi. -
„Við höfum séð fólk blómstra – ekki bara í starfi, heldur sem einstaklingar“
„Við hófum samstarf við Símenntun Háskólans á Akureyri haustið 2011, þegar fyrsti hópurinn hóf nám í Verkefnastjórnun og leiðtogaþjálfun, eða VOGL eins og það er stundum kallað. Þetta voru 18 einstaklingar, allir af Norðausturlandi – frá Akureyri, Egilsstöðum, Fjarðarbyggð, Húsavík og Tröllaskaga. Frábær hópur sem lagði grunn að því sem við höfum byggt upp síðan,“ segir Helgi Þór Ingason, prófessor við HR. Ásamt félaga sínum Hauki Inga Jónassyni leiðir hann VOGL námið hjá Símenntun HA. -
Skíðalandsmót Íslands í skíðagöngu Hlíðarfjalli við Akureyri 4.-6. apríl
Dagana 4.-6. apríl mun allt fremsta skíðagöngufólk landsins koma sama í Hlíðarfjalli við Akureyri og etja kappi á Skíðalandsmóti Íslands í skíðagöngu. Mótið er haldið af Skíðafélagi Akureyrar en er einnig alþjóðlegt skíðagöngumót FIS (Alþjóða skíðasambandið). -
Óánægja í Hrísey með verðhækkun í ferjuna
„Það er í raun verið að takmarka möguleika á ferðum bæði til og frá Hrísey yfir vetrartímann, sem takmarkar möguleika á að sækja viðburði, kvöldnámskeið og heimsóknir til ættingja og vina sem búa í fjarlægð frá Eyjafjarðasvæðinu,“ segir Ásrún Ýr Gestsdóttir í Hrísey. Íbúar í eynni vöktu á því athygli að Almannasamgöngur sem sjá um rekstur Hríseyjarferjunnar Sæfara fyrir Vegagerðina hækka verðskrá sína 1. maí næstkomandi. -
Andlega hliðin í stóru hlutverki á Listasafninu
Listasafnið á Akureyri er að venju þátttakandi í Barnamenningarhátíðinni og býður m.a. annars upp á núvitundar- og jógaviðburði fyrir börn og fjölskyldur undir yfirskriftinni Á haus í Listasafninu. -
Húsavík - Öflugur breiður baráttuhópur fyrir áframhaldandi flugi
„Við erum með mjög öflugan baráttuhóp sem vinnur af krafti að því að tryggja flugsamgöngur tinn inn á svæðið,“ segir Aðalsteinn Árni Baldursson formaður Framsýnar. Hann segir mikið í húfi og fjölmargir aðilar úr atvinnulífinu, ferðaþjónustunni og heilbrigðiskerfinu hafi gengið til liðs við hópinn.
