Óánægja í Hrísey með verðhækkun í ferjuna
„Það er í raun verið að takmarka möguleika á ferðum bæði til og frá Hrísey yfir vetrartímann, sem takmarkar möguleika á að sækja viðburði, kvöldnámskeið og heimsóknir til ættingja og vina sem búa í fjarlægð frá Eyjafjarðasvæðinu,“ segir Ásrún Ýr Gestsdóttir í Hrísey. Íbúar í eynni vöktu á því athygli að Almannasamgöngur sem sjá um rekstur Hríseyjarferjunnar Sæfara fyrir Vegagerðina hækka verðskrá sína 1. maí næstkomandi.
Bæjarstjórn Akureyrar hefur lýst yfir vonbrigðum með boðaða hækkun á gjaldskrá Hríseyjarferjunnar Sævars, þar sem gert er ráð fyrir að fargjald fullorðinna í upphringiferðir rúmlega tvöfaldist og fargjald ungmenna, öryrkja og ellilífeyrisþega í sömu ferðir rúmlega fjórfaldist. Bæjarstjórn felur bæjarstjóra að kalla eftir rökstuðningi hjá Vegagerðinni.
Ásrún Ýr segir skiljanlegt eins og staðan er nú að hækka þurfi gjöld og því sýni hún fullan skilning. Það verði þó að vera innan skynsamlegra marka. Nefnir hún að hækkun á svonefndum upphringiferðum sé mikil, fari úr 850 krónum fyrir börn og 1.700 fyrir fullorðna í 3.700 krónur á hvern haus. Enginn afsláttur til barna, eldri borgara eða öryrkja, „er eins svívirðileg og hugsast getur.“
Bætir Ásrún við í færslu á facebook síðu sinni að þeir sem búi í Hrísey vita að þeir hafi takmarkaðri möguleika á að sækja ýmsa viðburði í landi fram eftir kvöldi. „Með nýrri gjaldskrá er enn frekar verið að takmarka þá möguleika, sérstaklega fyrir fjölskyldufólk og fólk með lægri tekjur.“ Hún er óánægð með að ekki var rætt við neinn í eynni áður en ákvörðun var tekin, líklegast við skrifborð í Reykjavík. „Ég mun aldrei hætta að berjast fyrir samfélaginu okkar hér í Hrísey. Ekki frekar en nágrannar mínir og vinir hér í eyjunni,“ segir hún.
Önnur höndin gefur en hin tekur
„Það er algjörlega óþolandi að ríkisstofnun skuli boða slíka verðhækkun og skerða þar með búsetuskilyrði okkar sem búum í Hrísey á svipuðum tíma og styrkir hafa fengist frá ríkinu til að styðja við byggð í eyjunni. Önnur höndin gefur en hin tekur. Fólksfjölgun og uppbygging hefur átt sér stað undanfarin ár, ungu fólki fjölgað og bjartsýni aukist,“ skrifar Ingólfur Sigfússon formaður hverfisráðs Hríseyjar.
Ingólfur nefnir sem dæmi að fyrir sína fjölskyldu mun ein upphringiferð fara úr 5.100 kr. í 14.800 kr. „sem er líklega álagning sem fæstir myndu sætta sig við fyrir t.d. tónleika sem standa lengur en til kl. 21 að kvöldi í desember sem dæmi.“ Boðuð verðhækkun bitni að langmestu leyfi á íbúum eyjarinnar og skerði verulega möguleika fólks að stunda félagsstarf, íþróttastarf, sækja menningarviðburði. „Við munum ekki sætta okkur við þetta þegjandi og hljóðalaust,“ segir Ingólfur.
Nýjast
-
„Við höfum séð fólk blómstra – ekki bara í starfi, heldur sem einstaklingar“
„Við hófum samstarf við Símenntun Háskólans á Akureyri haustið 2011, þegar fyrsti hópurinn hóf nám í Verkefnastjórnun og leiðtogaþjálfun, eða VOGL eins og það er stundum kallað. Þetta voru 18 einstaklingar, allir af Norðausturlandi – frá Akureyri, Egilsstöðum, Fjarðarbyggð, Húsavík og Tröllaskaga. Frábær hópur sem lagði grunn að því sem við höfum byggt upp síðan,“ segir Helgi Þór Ingason, prófessor við HR. Ásamt félaga sínum Hauki Inga Jónassyni leiðir hann VOGL námið hjá Símenntun HA. -
Skíðalandsmót Íslands í skíðagöngu Hlíðarfjalli við Akureyri 4.-6. apríl
Dagana 4.-6. apríl mun allt fremsta skíðagöngufólk landsins koma sama í Hlíðarfjalli við Akureyri og etja kappi á Skíðalandsmóti Íslands í skíðagöngu. Mótið er haldið af Skíðafélagi Akureyrar en er einnig alþjóðlegt skíðagöngumót FIS (Alþjóða skíðasambandið). -
Óánægja í Hrísey með verðhækkun í ferjuna
„Það er í raun verið að takmarka möguleika á ferðum bæði til og frá Hrísey yfir vetrartímann, sem takmarkar möguleika á að sækja viðburði, kvöldnámskeið og heimsóknir til ættingja og vina sem búa í fjarlægð frá Eyjafjarðasvæðinu,“ segir Ásrún Ýr Gestsdóttir í Hrísey. Íbúar í eynni vöktu á því athygli að Almannasamgöngur sem sjá um rekstur Hríseyjarferjunnar Sæfara fyrir Vegagerðina hækka verðskrá sína 1. maí næstkomandi. -
Andlega hliðin í stóru hlutverki á Listasafninu
Listasafnið á Akureyri er að venju þátttakandi í Barnamenningarhátíðinni og býður m.a. annars upp á núvitundar- og jógaviðburði fyrir börn og fjölskyldur undir yfirskriftinni Á haus í Listasafninu. -
Húsavík - Öflugur breiður baráttuhópur fyrir áframhaldandi flugi
„Við erum með mjög öflugan baráttuhóp sem vinnur af krafti að því að tryggja flugsamgöngur tinn inn á svæðið,“ segir Aðalsteinn Árni Baldursson formaður Framsýnar. Hann segir mikið í húfi og fjölmargir aðilar úr atvinnulífinu, ferðaþjónustunni og heilbrigðiskerfinu hafi gengið til liðs við hópinn. -
Að bregðast ungu fólki í viðkvæmri stöðu
Í stjórnarsáttmála ríkisstjórnarinnar segir að sérstök áhersla verði lögð á að efla geðheilbrigðisþjónustu og styðja fjölbreytt rekstrarform. Þessi loforð eru innantóm, því fyrsta stórtæka aðgerðin í geðheilbrigðismálum nýrrar ríkisstjórnar er að loka Janusi endurhæfingu – úrræði sem hefur í 25 ár þjónustað einn viðkvæmasta hóp samfélagsins; ungt fólk með alvarlegan geðrænan og félagslegan vanda. -
Um eitt þúsund manns á árshátíð Samherja í Póllandi
Árshátíð Samherja verður haldin nk. laugardag í Sopot í Póllandi. Um eitt þúsund manns fljúga utan í samtals sex þotum. Tvær fyrstu þoturnar fljúga frá Akureyri í dag -
ÓREIÐA á Tólf Tóna Kortérinu
Laugardaginn 5. apríl frumflytur Þorsteinn Jakob Klemenson verk sitt ÓREIÐA á Tólf Tóna Kortérinu. Það er haldið á Listasafninu á Akureyri kl. 15 og aftur kl. 16, en tónleikarnir eru kortérslangir. Þeir henta öllum áheyrendum á öllum aldri og aðgangur er ókeypis. Þá er tilvalið að skoða sýningar safnsins í leiðinni -
Símenntun Háskólans á Akureyri (SMHA) og Sparisjóðirnir hefja samstarf um endurmenntun
Símenntun Háskólans á Akureyri (SMHA) og Samband Íslenskra Sparisjóða (SÍSP) hafa gert með sér samstarfssamning um endurmenntun og símenntun fyrir starfsfólk sparisjóða um allt land. Markmið samstarfsins er að bjóða upp á sérsniðna fræðslu sem styrkir faglega færni, eykur hæfni í fjármálaþjónustu og styður við persónulegan og faglegan vöxt starfsmanna.
