Andlega hliðin í stóru hlutverki á Listasafninu
Listasafnið á Akureyri er að venju þátttakandi í Barnamenningarhátíðinni og býður m.a. annars upp á núvitundar- og jógaviðburði fyrir börn og fjölskyldur undir yfirskriftinni Á haus í Listasafninu.
Næstkomandi laugardag, 5. apríl, kl. 11-12, býður Þuríður Helga Kristjánsdótttir, jóga- og núvitundarkennari, þátttakendum að stíga út úr amstri dagsins, upplifa Listasafnið á nýjan og meðvitaðri hátt og njóta samveru í skapandi og rólegu umhverfi. Gestir fá jafnframt tíma til að skoða safnið í rólegheitum, taka inn umhverfið og tengjast því sem fyrir augu ber í gegnum leidda íhugun og núvitund. Núvitund er dýrmæt færni sem börn og fullorðnir geta nýtt sér, en hún styður okkur í að tengjast umhverfi af athygli og njóta augnabliksins.
Laugardaginn 19. apríl kl. 11-12 heldur Arnbjörg Kristín Konráðsdóttir, jógakennari og hljóðheilari, samverustund fyrir börn og fjölskyldur, þar sem hún fléttar saman fjölskyldujóga og skynjun í núvitund með listrænu ívafi.
„Við byrjum á að setjast á jógadýnu, koma inn á við, loka augunum og anda rólega,“ segir Arnbjörg Kristín um samverustundina. „Í kjölfarið gerum við jógastöður og teygjum á. Að því loknu verður farið í ævintýraleiðangur í núvitund um Listasafnið og litir, form og útlínur skoðuð til að þroska skynjun og eftirtekt. Þátttakendur eru í kjölfarið hvattir til að túlka verkin með eigin orðum ásamt því að bregða á leik í tengslum við verkin. Í lokin verður svo slakað á við vel valda tóna úr ýmsum hljóðfærum í kyrrlátu andrými Listasafnsins.“
Ekkert þátttökugjald er á viðburðina en skráning nauðsynleg á heida@listak.is. Verkefnið er styrkt af Barnamenningarsjóði Akureyrarbæjar. Dagskrá Listasafnsins á Barnamenningarhátíð má sjá á listak.is og samfélagsmiðlum.
Nýjast
-
„Við höfum séð fólk blómstra – ekki bara í starfi, heldur sem einstaklingar“
„Við hófum samstarf við Símenntun Háskólans á Akureyri haustið 2011, þegar fyrsti hópurinn hóf nám í Verkefnastjórnun og leiðtogaþjálfun, eða VOGL eins og það er stundum kallað. Þetta voru 18 einstaklingar, allir af Norðausturlandi – frá Akureyri, Egilsstöðum, Fjarðarbyggð, Húsavík og Tröllaskaga. Frábær hópur sem lagði grunn að því sem við höfum byggt upp síðan,“ segir Helgi Þór Ingason, prófessor við HR. Ásamt félaga sínum Hauki Inga Jónassyni leiðir hann VOGL námið hjá Símenntun HA. -
Skíðalandsmót Íslands í skíðagöngu Hlíðarfjalli við Akureyri 4.-6. apríl
Dagana 4.-6. apríl mun allt fremsta skíðagöngufólk landsins koma sama í Hlíðarfjalli við Akureyri og etja kappi á Skíðalandsmóti Íslands í skíðagöngu. Mótið er haldið af Skíðafélagi Akureyrar en er einnig alþjóðlegt skíðagöngumót FIS (Alþjóða skíðasambandið). -
Óánægja í Hrísey með verðhækkun í ferjuna
„Það er í raun verið að takmarka möguleika á ferðum bæði til og frá Hrísey yfir vetrartímann, sem takmarkar möguleika á að sækja viðburði, kvöldnámskeið og heimsóknir til ættingja og vina sem búa í fjarlægð frá Eyjafjarðasvæðinu,“ segir Ásrún Ýr Gestsdóttir í Hrísey. Íbúar í eynni vöktu á því athygli að Almannasamgöngur sem sjá um rekstur Hríseyjarferjunnar Sæfara fyrir Vegagerðina hækka verðskrá sína 1. maí næstkomandi. -
Andlega hliðin í stóru hlutverki á Listasafninu
Listasafnið á Akureyri er að venju þátttakandi í Barnamenningarhátíðinni og býður m.a. annars upp á núvitundar- og jógaviðburði fyrir börn og fjölskyldur undir yfirskriftinni Á haus í Listasafninu. -
Húsavík - Öflugur breiður baráttuhópur fyrir áframhaldandi flugi
„Við erum með mjög öflugan baráttuhóp sem vinnur af krafti að því að tryggja flugsamgöngur tinn inn á svæðið,“ segir Aðalsteinn Árni Baldursson formaður Framsýnar. Hann segir mikið í húfi og fjölmargir aðilar úr atvinnulífinu, ferðaþjónustunni og heilbrigðiskerfinu hafi gengið til liðs við hópinn. -
Að bregðast ungu fólki í viðkvæmri stöðu
Í stjórnarsáttmála ríkisstjórnarinnar segir að sérstök áhersla verði lögð á að efla geðheilbrigðisþjónustu og styðja fjölbreytt rekstrarform. Þessi loforð eru innantóm, því fyrsta stórtæka aðgerðin í geðheilbrigðismálum nýrrar ríkisstjórnar er að loka Janusi endurhæfingu – úrræði sem hefur í 25 ár þjónustað einn viðkvæmasta hóp samfélagsins; ungt fólk með alvarlegan geðrænan og félagslegan vanda. -
Um eitt þúsund manns á árshátíð Samherja í Póllandi
Árshátíð Samherja verður haldin nk. laugardag í Sopot í Póllandi. Um eitt þúsund manns fljúga utan í samtals sex þotum. Tvær fyrstu þoturnar fljúga frá Akureyri í dag -
ÓREIÐA á Tólf Tóna Kortérinu
Laugardaginn 5. apríl frumflytur Þorsteinn Jakob Klemenson verk sitt ÓREIÐA á Tólf Tóna Kortérinu. Það er haldið á Listasafninu á Akureyri kl. 15 og aftur kl. 16, en tónleikarnir eru kortérslangir. Þeir henta öllum áheyrendum á öllum aldri og aðgangur er ókeypis. Þá er tilvalið að skoða sýningar safnsins í leiðinni -
Símenntun Háskólans á Akureyri (SMHA) og Sparisjóðirnir hefja samstarf um endurmenntun
Símenntun Háskólans á Akureyri (SMHA) og Samband Íslenskra Sparisjóða (SÍSP) hafa gert með sér samstarfssamning um endurmenntun og símenntun fyrir starfsfólk sparisjóða um allt land. Markmið samstarfsins er að bjóða upp á sérsniðna fræðslu sem styrkir faglega færni, eykur hæfni í fjármálaþjónustu og styður við persónulegan og faglegan vöxt starfsmanna.
