„Við höfum séð fólk blómstra – ekki bara í starfi, heldur sem einstaklingar“
„Við hófum samstarf við Símenntun Háskólans á Akureyri haustið 2011, þegar fyrsti hópurinn hóf nám í Verkefnastjórnun og leiðtogaþjálfun, eða VOGL eins og það er stundum kallað. Þetta voru 18 einstaklingar, allir af Norðausturlandi – frá Akureyri, Egilsstöðum, Fjarðarbyggð, Húsavík og Tröllaskaga. Frábær hópur sem lagði grunn að því sem við höfum byggt upp síðan,“ segir Helgi Þór Ingason, prófessor við HR. Ásamt félaga sínum Hauki Inga Jónassyni leiðir hann VOGL námið hjá Símenntun HA.
Námið sjálft á sér þó enn lengri sögu, því það var fyrst kennt árið 2003 við Endurmenntun HÍ. Frá upphafi hefur VOGL verið í stöðugri þróun, bæði hvað varðar innihald og kennsluaðferðir. „Við höfum fínstillt innihald námsins og kennsluaðferðir reglulega – meðal annars með fjórum íslenskum kennslubókum sem við höfum sjálf skrifað. Kennsluaðferðin byggir á vendikennslu: nemendur hlusta á fyrirlestra á netinu og mæta svo í staðlotur þar sem unnið er markvisst með efnið í vinnustofum sem eru bæði krefjandi og skemmtilegar.“
VOGL-námið hefur laðað að þátttakendur úr öllum geirum – bæði einstaklinga og starfsfólk fyrirtækja, stofnana og félagasamtaka. „Algengt er að vinnustaðir sendi hópa starfsmanna í námið til að samræma hugtakanotkun og efla teymisvinnu og árangur. Nemendur fá tækifæri til að takast á við raunveruleg verkefni úr eigin vinnuumhverfi og vinna saman að lausnum undir handleiðslu reyndra kennara.“
Kennslan fer fram í fjórum staðlotum – tvær á hvorri önn – og hver þeirra spannar fjóra daga. Í haustlotunni eru tekin fyrir námskeið í stefnumótun og leiðtogafærni, og á vormisseri eru það samskipti og stjórnun verkefna sem eru í forgrunni. Allir fyrirlestrar eru aðgengilegir á lokuðum námsvef og nemendur mæta undirbúnir í staðloturnar, þar sem áhersla er lögð á úrvinnslu og virka þátttöku.
„Markmið okkar hefur alltaf verið að efla nemendur bæði faglega og sem einstaklinga – þeir verða sterkari í starfi en líka sem manneskjur. Það skiptir öllu máli,“ segir Helgi. „Við höfum séð fólk blómstra og ná nýjum hæðum í starfi, en líka öðlast sjálfstraust, dýpri skilning á mannlegum samskiptum og getu til að leiða aðra.“
Næsti hópur í VOGL-námið hefst í september og skráning er þegar hafin á www.smha.is. „Ekki bíða – fyrstir koma, fyrstir fá!“ bætir Helgi við með bros á vör.
Nýjast
-
Rein byggir frístundahúsnæði á Húsavík
Norðurþing og Trésmiðjan Rein undirrita verksamning vegna byggingar á frístundahúsnæði -
„Fyrirhuguð uppbygging mun verða algjör bylting"
Á heimasíðu SAk er viðtal við Gunnar Lindal sem er verkefnastjóri á sviði rekstrar og klínískrar stoðþjónustu sjúkrahússins. Gunnar reifar í viðtalinu stöðuna í undirbúningi á nýbyggingu við sjúkrahúsið. -
Af hverju ætti ég ekki að geta þetta eins og hver annar
Axel Vatnsdal starfsmaður hjá Heilsuvernd Hjúkrunarheimili hafði aldrei stigið fæti inn í framhaldsskóla þegar hann ákvað að skrá sig í sjúkraliðanám síðasta haust, þá 51. árs. -
Nautgriparæktarverðlaun BSE afhent Góður árangur á Stóra-Dunghaga
Ábúendur í Stóra-Dunhaga fá nautgriparæktarverðlaun Búnaðarsambands Eyjafjarðar fyrir árið 2024 fyrir frábæran myndarbúskap og öflugt ræktunarstarf. Verðlaunin voru afhent á aðalfundi BSE. -
Glugginn í Hafnarstræti 88 í ævintýraskapi í apríl
Í tilefni af barnamenningarhátíð Akureyrar er GLUGGINN í Hafnarstræti 88 í ævintýraskapi út apríl. Leikföng, sum frá fyrri tíð og ýmis hugðarefni barna og unglinga prýða gluggann í alls konar sviðsmyndum. Gluggasýningin er ætluð til að vekja forvitni, gleði og skapa skemmtilegan áfangastað í gönguferðum. Sýningin hentar öllum aldurshópum. -
Norlandair flýgur til Hornafjarðar út ágúst
Vegagerðin hefur fyrir hönd ríkisins samið við flugfélagið Norlandair um að fljúga tíu flugferðir á viku milli Hornafjarðar og Reykjavíkur á tímabilinu 1. apríl til 31. ágúst. -
Svifryk spillir loftgæðum
Svifryk hefur mikil áhrif á loftgæði á Akureyri í þessari stillu sem nú er, á heimasíðu bæjarins er varað við þessu ástandi. -
„Við höfum séð fólk blómstra – ekki bara í starfi, heldur sem einstaklingar“
„Við hófum samstarf við Símenntun Háskólans á Akureyri haustið 2011, þegar fyrsti hópurinn hóf nám í Verkefnastjórnun og leiðtogaþjálfun, eða VOGL eins og það er stundum kallað. Þetta voru 18 einstaklingar, allir af Norðausturlandi – frá Akureyri, Egilsstöðum, Fjarðarbyggð, Húsavík og Tröllaskaga. Frábær hópur sem lagði grunn að því sem við höfum byggt upp síðan,“ segir Helgi Þór Ingason, prófessor við HR. Ásamt félaga sínum Hauki Inga Jónassyni leiðir hann VOGL námið hjá Símenntun HA. -
Skíðalandsmót Íslands í skíðagöngu Hlíðarfjalli við Akureyri 4.-6. apríl
Dagana 4.-6. apríl mun allt fremsta skíðagöngufólk landsins koma sama í Hlíðarfjalli við Akureyri og etja kappi á Skíðalandsmóti Íslands í skíðagöngu. Mótið er haldið af Skíðafélagi Akureyrar en er einnig alþjóðlegt skíðagöngumót FIS (Alþjóða skíðasambandið).
