20. nóvember - 27. nóvember - Tbl 47
Safnað handa ungum hjónum frá Akureyri
Haddur Júlíus Stefánsson, formaður handknattleiksdeildar KA, og Svala Fanney, systir Ragnars Snæs, með bol sem gerðir hafa verið til styrktar fjölskyldunni. Mynd/Þórir Tryggvason.
Allur ágóði af leik KA og Gróttu í Olís-deild karla í handbolta sem fram fór í KA-heimilinu sl. mánudagskvöld rann óskiptur til ungra hjóna frá Akureyri og barna þeirra. Þau Fanney Eiríksdóttir og Ragnar Snær Njálsson greindu nýverið frá því að Fanney, sem þá var ófrísk af öðru barni þeirra hjóna, hefði verið greind með leghálskrabbamein.
Hún hafði farið í allar reglubundnar skoðanir en meinið fannst ekki fyrr en hún fór í tuttugu vikna sónar.
Alls safnaðist tæplega 630 þúsund krónur fyrir fjölskylduna. Upphæðin er bæði af miðasölu inn á leikinn, sem og af sérstökum bolum sem gerðir hafa verið til styrktar fjölskyldunni.
Sonur Ragnars og Fanneyjar fæddist í lok september og hefur fengið nafnið Erik Fjólar. Ragnar segir drenginn bera sig vel, en þau Fanney vera við ölu búin. Erik fæddist á 29. viku meðgöngunnar og er undir eftirliti á vökudeild Landspítalans. Framundan eru svo strangar lyfja og geislameðferðir hjá Fanneyju.
Ragnar Snær Njálsson og Fanney Eiríksdóttir ásamt dóttur
þeirra. Myndin var tekin skömmu áður en Erik litli kom í
heiminn.
Ragnar Snær er fyrrum atvinnumaður í handbolta og uppalinn KA-maður. Hann á marga vini í KAliðinu sem vildu sýna samhug í verki með framtakinu.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
