20. nóvember - 27. nóvember - Tbl 47
Metaðsókn í Sundlaug Akureyrar
Endurbætt sundlaugarsvæði hefur sannarlega aukið aðsókn í Sundlaug Akureyrar. Mynd/Axel Þórhallsson.
Aðsókn í Sundlaug Akureyrar hefur aukist um 46% frá því nýjar rennibrautir voru teknar í notkun. Forstöðumaður sundlaugarinnar segir að endurbætt sundlaugarsvæði komi til með að auka ferðamannastraum til Akureyrar. Endurbótum á Sundlaug Akureyrar er lokið en þær hafa staðið í tvö ár. Settar hafa verið upp þrjár nýjar rennibrautir, lendingarlaug, nýir pottar og fleira. Heildarkostnaður er yfir 400 milljónum króna og fór talsvert fram úr upphaflegum áætlunum.
Frá þessu er greint á vef Rúv.
Þar segir að í júlí hafi komið að jafnaði um tvö þúsund gestir á dag, alls um 60 þúsund, sem er met frá því laugin var opnuð. Aðsókn í júlí var 46% meiri en í júlí 2016. Það sem af er ári hefur aðsókn aukist um fimmtung. Nú lítur út fyrir að yfir 400 þúsund gestir komi í sundlaugina á þessu ári.
Elín Gísladóttir, forstöðumaður sundlaugarinnar, segist í samtali við Rúv hafa átt von á aukinni aðsókn. „En að hún yrði svona mikil, sérstaklega núna yfir sumarmánuðina, ég held mér hefði aldrei dottið það í hug og ég held mér hefði aldrei dottið í hug að við gætum tekið á móti svona mörgum,“ segir Elín og bætir við að það hafi gengið vel að taka á móti svona miklum fjölda.
„Þetta hefur dreifst tiltölulega vel yfir daginn og svo er ég með alveg einstaklega gott starfsfólk,“ segir Elín. Hún bætir þó við að stundum sé þröngt og fólk þurfi ef til vill að bíða lengur en áður eftir skápum og sturtu.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
