Íslandsmeistari í málmsuðu
Andre Sandö, starfsmaður Útrásar á Akureyri, stóð uppi sem sigurvegari í Íslandsmeistaramótinu í málmsuðu sem var haldið var nýverið í húsnæði málmiðnaðarbrautar VMA. Málmsuðufélag Íslands stóð fyrir keppninni í samstarfi við Iðuna fræðslusetur, VMA og Félag málmiðnaðarmanna Akureyri.
Ellefu þátttakendur voru á mótinu að þessu sinni og starfa þeir allir í málmiðnaði á Akureyri. Tíu af ellefu hafa verið eða eru í námi á málmiðnaðarbraut VMA. Frá þessu er greint á vef VMA. Þátttakendur í mótinu voru þeirAndre Sandö, Einir Þ. Kjartansson og Hermann Kr. Egilsson frá Útrás, Arnar Freyr Gunnarsson, Vignir Sigurðsson og Brynjar H. Sveinsson frá Norðurstál og þeir Adam Snær Atlason, Víðir Orri Hauksson, Ivan Atanasov Pashev og Andri Már Ólafsson frá Slippnum.
Undanfarin ár hefur verið forkeppni á Akureyri og síðan hefur lokakeppnin farið fram í Reykjavík. Nú var ákveðið að snúa þessu við, að hafa forkeppni í Reykjavík og lokakeppnina á Akureyri. Keppnin hófst um kl. 13 sl. föstudag og fengu þátttakendur fjögur verkefni til þess að glíma við; í TIG-suðu, logsuðu, MAG-suðu og pinnasuðu. Í heildarkeppninni varð Andre Sandö frá Útrás stigahæstur og er því Íslandsmeistari í málmsuðu. Víðir Orri Hauksson frá Slippnum varð í öðru sæti og Andri Már Ólafsson einnig frá Slippnum varð í þriðja sæti.
Slippurinn vann liðakeppnina en stigahæstir voru þeir Víðir Orri, Andri Már og Ivan Atanasov. Jóhann Rúnar Sigurðsson, formaður Félags málmiðnaðarmanna Akureyri, segir á vef VMA að mikilvægt sé að hlúa að málmsuðu og því sé Íslandsmeistaramótið afar gagnlegt til þess að vekja athygli á greininni og ánægjulegt sé að mótið hafi verið haldið á Akureyri.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
