20. nóvember - 27. nóvember - Tbl 47
Hús vikunnar: Hafnarstræti 2
Hafnarstræti er með lengri götum bæjarins. Samkvæmt grófri mælingu undirritaðs á kortavef ja.is er gatan um 1300 metrar frá Ráðhústorgi í norðri að syðsta húsi götunnar, Hafnartsræti 2. En það hús byggðu bræðurnir Friðrik og Magnús Kristjánssynir í áföngum árin 1892 og 1895. Húsið mun það fyrsta á Akureyri sem reist var á uppfyllingu en efnið tóku þeir úr brekkunni ofan við lóðina. Uppfyllingin var sú fyrsta sem gerð var í fjörunni og var hún kölluð Nýja-Ísland. Síðar tóku fleiri hús að rísa þarna, auk þess sem rýmra varð um lóðir við Aðalstrætið við efnistöku úr brekkunni.
Hafnarstræti 2 er tvær álmur; sú syðri er byggð 1895 er tvílyft og snýr A-V, á lágum grunni og með lágu risi. Nyrðri álma, byggð 1892, er einlyft með háu portbyggðu risi og miðjukvisti og snýr N-S. Timburklæðning er á suðurhluta en sléttar plötur, mögulega asbest á syðri hluta.
Þeir Friðrik og Magnús stunduðu verslunarrekstur í húsinu og bjuggu í húsinu um árabil. Um nokkurt skeið var hinn valinkunni stórbóndi og athafnamaður, Magnús Sigurðsson á Grund meðeigandi þeirra bræðra í verslun þeirra. Árin 1902-04 var þarna rekið fyrsta útibú Landsbankans á Akureyri. Húsið var fyrstu áratugi 20. aldar verslunar- og skrifstofuhúsnæði að hluta en síðar var öllu húsinu breytt í íbúðir. Hinn víðfrægi Fjalla-Bensi, Benedikt Sigurjónsson, mun hafa búið hér síðustu æviár sín en hann lést 1946.
Hafnarstræti 2 er allt hið glæsilegasta og er í góðri hirðu; hlaut miklar endurbætur fyrir um áratug eða svo. Þrjár íbúðir munu í húsinu. Myndin er tekin fyrir rúmum sex árum, 9. febrúar 2013.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
