Gríðarmikil og jákvæð breyting í vetrarferðaþjónustu
„Fram undan eru óvenju góðir mánuðir í vetrarferðaþjónustunni þar sem ferðamenn komast til Akureyrar með beinu flugi frá London, Manchester, Amsterdam og Zurich. Bókanir hafa gengið vel í flugi easyJet frá Bretlandi og greinilegt að þar eru á ferðinni Bretar í jólaheimsóknum,“ segir Arnheiður Jóhannsdóttir framkvæmdastjóri Markaðsstofu Norðurlands
Hún segir mikið um að vera á svæðinu, allra handa jólamarkaðir og viðburðir víða í sveitum, jólasveinarnir í Dimmuborgum á sveimi, glænýtt jólatorg á Akureyri og Jólagarðurinn í Eyjafjarðarsveit dragi fólk til sín alls staðar að.
Arnheiður segir að á Norðurlandi sé mikil árstíðarsveifla ef horft sé til erlendra ferðamanna „og desember er okkar erfiðasti mánuður. Innlendi markaðurinn tekur þó vel við sér um jólin og auðvitað hefur það mikil áhrif þegar skíðasvæðin opna.“
Í lok janúar hefjast flug frá Hollandi og Sviss en þá verða hópar á ferð um Norðurland í skipulögðum ferðum þar sem áherslan er á norðurljósin, böð, fossa og vetrarævintýri af öllu tagi. „Mikil þróun hefur átt sér stað í þjónustu við þessa hópa og aukinn opnunartími sem skilar sér líka í auknum lífsgæðum til heimafólks,“ segir Arnheiður.
Arnheiður Jóhannsdóttir Markaðsstofu Norðurlands
Bagalegt að vetrarþjónustu sé ekki sinnt
Á Norðurlandi séu margar náttúruperlur sem eru stórt aðdráttarafl en því miður sé staðan enn þá sú að vetrarþjónustu er ekki sinnt þannig að staðir eins og Dettifoss og Hvítserkur séu óaðgengilegir stóran hluta ársins. Þetta kemur ekki að sök fyrir þau sem kaupa leiðsagðar ferðir á svæðið en stærsti hluti ferðamanna á þessum árstíma er á eigin vegum og missa því af þessum stærstu seglum vegna skorts á þjónustu. „Það er því enn þá margt að vinna í þróun vetrarferðaþjónustu en óhætt að segja að beina flugið hefur gjörbreytt stöðunni og við getum átt von á um 1-2000 gistinóttum á viku hér á svæðinu frá Bretlandi sem er gríðarleg mikil og jákvæð breyting á þessum árstíma,“ segir Arnheiður.
Nýjast
-
Nautgriparæktarverðlaun BSE afhent Góður árangur á Stóra-Dunghaga
Ábúendur í Stóra-Dunhaga fá nautgriparæktarverðlaun Búnaðarsambands Eyjafjarðar fyrir árið 2024 fyrir frábæran myndarbúskap og öflugt ræktunarstarf. Verðlaunin voru afhent á aðalfundi BSE. -
Glugginn í Hafnarstræti 88 í ævintýraskapi í apríl
Í tilefni af barnamenningarhátíð Akureyrar er GLUGGINN í Hafnarstræti 88 í ævintýraskapi út apríl. Leikföng, sum frá fyrri tíð og ýmis hugðarefni barna og unglinga prýða gluggann í alls konar sviðsmyndum. Gluggasýningin er ætluð til að vekja forvitni, gleði og skapa skemmtilegan áfangastað í gönguferðum. Sýningin hentar öllum aldurshópum. -
Norlandair flýgur til Hornafjarðar út ágúst
Vegagerðin hefur fyrir hönd ríkisins samið við flugfélagið Norlandair um að fljúga tíu flugferðir á viku milli Hornafjarðar og Reykjavíkur á tímabilinu 1. apríl til 31. ágúst. -
Svifryk spillir loftgæðum
Svifryk hefur mikil áhrif á loftgæði á Akureyri í þessari stillu sem nú er, á heimasíðu bæjarins er varað við þessu ástandi. -
„Við höfum séð fólk blómstra – ekki bara í starfi, heldur sem einstaklingar“
„Við hófum samstarf við Símenntun Háskólans á Akureyri haustið 2011, þegar fyrsti hópurinn hóf nám í Verkefnastjórnun og leiðtogaþjálfun, eða VOGL eins og það er stundum kallað. Þetta voru 18 einstaklingar, allir af Norðausturlandi – frá Akureyri, Egilsstöðum, Fjarðarbyggð, Húsavík og Tröllaskaga. Frábær hópur sem lagði grunn að því sem við höfum byggt upp síðan,“ segir Helgi Þór Ingason, prófessor við HR. Ásamt félaga sínum Hauki Inga Jónassyni leiðir hann VOGL námið hjá Símenntun HA. -
Skíðalandsmót Íslands í skíðagöngu Hlíðarfjalli við Akureyri 4.-6. apríl
Dagana 4.-6. apríl mun allt fremsta skíðagöngufólk landsins koma sama í Hlíðarfjalli við Akureyri og etja kappi á Skíðalandsmóti Íslands í skíðagöngu. Mótið er haldið af Skíðafélagi Akureyrar en er einnig alþjóðlegt skíðagöngumót FIS (Alþjóða skíðasambandið). -
Óánægja í Hrísey með verðhækkun í ferjuna
„Það er í raun verið að takmarka möguleika á ferðum bæði til og frá Hrísey yfir vetrartímann, sem takmarkar möguleika á að sækja viðburði, kvöldnámskeið og heimsóknir til ættingja og vina sem búa í fjarlægð frá Eyjafjarðasvæðinu,“ segir Ásrún Ýr Gestsdóttir í Hrísey. Íbúar í eynni vöktu á því athygli að Almannasamgöngur sem sjá um rekstur Hríseyjarferjunnar Sæfara fyrir Vegagerðina hækka verðskrá sína 1. maí næstkomandi. -
Andlega hliðin í stóru hlutverki á Listasafninu
Listasafnið á Akureyri er að venju þátttakandi í Barnamenningarhátíðinni og býður m.a. annars upp á núvitundar- og jógaviðburði fyrir börn og fjölskyldur undir yfirskriftinni Á haus í Listasafninu. -
Húsavík - Öflugur breiður baráttuhópur fyrir áframhaldandi flugi
„Við erum með mjög öflugan baráttuhóp sem vinnur af krafti að því að tryggja flugsamgöngur tinn inn á svæðið,“ segir Aðalsteinn Árni Baldursson formaður Framsýnar. Hann segir mikið í húfi og fjölmargir aðilar úr atvinnulífinu, ferðaþjónustunni og heilbrigðiskerfinu hafi gengið til liðs við hópinn.
