20. nóvember - 27. nóvember - Tbl 47
Áhyggjur af plássleysi leikskólabarna
Rými fyrir hvert barn á leikskólum Akureyrar er of lítið.
Leikskólastjórar á Akureyri hafa sent bréf til bæjaryfirvalda þar sem líst er yfir áhyggjum af plássleysi í leikskólum bæjarins. Bréfið er stílað á fræðslustjóra Akureyrarbæjar og skorað á bæinn að fara í tafarlausar úrbætur. Undir bréfið skrifa leikskólastjórar átta leikskóla á Akureyri.
Í bréfinu segir að í ljósi þess að Akureyrarbær leggi áherslu á að vera barnvænt og heilsueflandi samfélag telji leikskólastjórar mikilvægt að ákveðnir þættir varðandi starfsemi leikskóla bæjarins séu endurskoðaðir.
„Undirritaðar hafa áhyggjur af því hversu lítið leikrými hverju barni er ætlað í leikskólum bæjarins. Plássleysið hefur, að okkar mati, áhrif á þætti eins og geðtengsl, einbeitingu, kvíða, félagsþroska og málþroska barna. Mikilvægt er að gera breytingar á skilgreiningu rýmis hið fyrsta,“ segir í bréfinu.
Í dag er sá fjöldi fermetra sem skilgreindur er sem leikrými fyrir hvert barn í leikskólum Akureyrarbæjar of lítill að mati fagfólks. Þetta hafi áhrif á námsumhverfi barnanna. Telja leikskólakennarar eðlilegt að fermetrafjöldi hverrar deildar sé skilgreindur í samræmi við fjölda barna þannig að ætlaðir séu að minnsta kosti 3,5 fermetrar til leiks fyrir hvert barn óháð sameiginlegum rýmum. Leikskólastjórar kalla eftir því að fræðsluráð skoði með fullri alvöru stöðu leikskólans hvað varðar aukið leikrými á hvert barn. „Mikilvægt er að þessir þættir verði settir í forgang við vinnu í skipulagi og framtíðarsýn, leikskólum Akureyrarbæjar til heilla.“
Málið var tekið til umfjöllunar á síðasta fundi fræðsluráðs þar sem segir að vinna sé hafin við afla gagna um rými í leikskólum.Fræðsluráð hefur falið sviðsstjóra fræðslusviðs að vinna málið áfram
Nýjast
-
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember.
