Dagskráin 18.desember - 8.janúar 2025
Vinstri grænir telja verkstjórn sveitarstjóra í Norðurþingi ábótavant
Samsett mynd. Stjórnsýsluhús Norðurþings á Húsavík, Aldey Unnar Traustadóttir og Kristján Þór Magnússon.
Á fundi félaga V-lista VG og óháðra í Norðurþingi sem fram fór í gær, var lögð fram bókun þar sem áhyggjum er lýst af gangi mála í sveitarstjórn Norðurþings. Í bókuninni er sett út á forgangsröðun tíma og verkefna við verkstjórn sveitarstjóra.
Fundurinn lagði áherslu á að á næstu vikum þyrfti að auka traust og bæta samstarf á vettvangi sveitarstjórnar Norðurþings.
Uppsafnaður vandi
Aldey Unnar Traustadóttir, forseti sveitarstjórnar og fulltrúi V-lista og óháðra í sveitarstjórn Norðurþings sagði í samtali við Vikublaðið að um uppsafnaða örðuleika að ræða og lagði áherslu á að yfirlýsingin væri frá flokknum í heild en ekki sér persónulega. „Það er engin launung að bakland VG og óháðra hefur haft áhyggjur og finnst sumt ekki ganga alveg nógu vel. Þetta er í raun og veru ekkert nýtt. Ég hef borið þetta upp við félaga mína í meirihlutanum og sveitarstjóra áður. Þetta er ekki um eitt mál sem við erum að hnjóta um. Þetta er meira svona spenna yfir ýmsu, samskipti og forgangröðun sem hefur hlaðist upp á löngum tíma,“ segir hún.
Spurð hvort það séu engin sérstök mál eða málaflokkar sem meiri óánægju gætir um segir hún að það séu helst fjölskyldumálin.
„Það er kannski helst þegar kemur að fjölskyldumálum sem hefur gengið hægt að mörgu leiti en ég vil taka fram að ég og þeir sem voru á undan mér í sveitarstjórn fyrir V-lista og óháðra, höfum átt mjög gott samstarf um margt við aðra kjörna fulltrúa og það hefur auðvitað margt áunnist á þessu kjörtímabili. En það er bara þannig að baklandið í mínum stjórnamálaflokki hefur ákveðnar skoðanir og líka metnað til að gera hlutina vel,“ segir Aldey og bætir við hún sem forseti sveitarstjórnar og þátttakandi í meirihlutasamstarfinu fyrir hönd V-lista þurfi augljóslega að ræða þessi mál og taka upp með samstarfsfólki. „Það verður gert á næstu dögum og staðan tekin upp úr því.“
Meirihlutasamstarfi ekki slitið
Þá neitaði Aldey fyrir það að í yfirlýsingunni fælist vísbending um að meirihlutasamstarfinu yrði slitið. „Nei það er engin að slíta neinum meirihluta. Þetta er bara baklandið í mínum stjórnmálaflokki sem hefur sterkar skoðanir og vill ræða hlutina og velur að fara þessa leið,“ sagði Aldey að lokum.
Vikublaðið leitaði viðbragða Kristjáns Þór Magnússonar, sveitarstjóra Norðurþings. Hann sagðist vera rétt búinn að sjá bókun Vinstri grænna og væri í sjálfu sér ekki búinn að mynda sér full mótaða skoðun. „Ég var bara að sjá þetta, ætli við fundum ekki fljótlega og tökum stöðuna á þessu,“ sagði hann og reiknaði með að hitta bakland samstarfsflokksins.
„Eins og eðlilegt er í samstarfi þriggja flokka þá koma upp ágreiningsmál. Ég á von á því að ég fái tækifæri til að hitta þetta bakland og ræða betur hvaða mál þetta eru,“ segir Kristján Þór.
Fréttin hefur verið uppfærð með ummælum frá Aldey og Kristjáni Þór
Nýjast
-
Hjálpræðisherinn -Von og hlýja á jólunum fyrir þá sem þurfa mest á því að halda
Jólahátíðin er tími gleði, samveru og gjafa fyrir flesta, en fyrir aðra er hún áminning um erfiðar aðstæður. Fátækt, einmanaleiki og óöryggi eru veruleiki margra á þessum árstíma. Fyrir þá sem glíma við slíkar áskoranir hefur Hjálpræðisherinn staðið sem fastur punktur í mörg ár. Með hjálp sinni gefur Hjálpræðisherinn fólki ekki aðeins lífsnauðsynjar heldur einnig von og hlýju, eitthvað sem getur breytt öllu á hátíð sem snýst um kærleika og samkennd. -
Jólaminningar
Í æskuminningunni var alltaf snjór um jólin. Í jólagjafaleit var farið í Kaupfélag Þingeyinga, en einnig í búðir sem háðu samkeppni við kaupfélagið, Bókabúðina, Skóbúðina og Lenubúð. Þar var allt til alls. -
Dylan Anderson gestalistamaður Gilfélagsins í desember sýnir í Deiglunni.
Myndlistarmaðurinn Dylan Anderson frá New York (f. 2001, Evanston, IL) sem hefur dvali í gestavinnustofu Gilfélagsins síðasta mánuðinn, heldur sína fyrstu einkasýningu á ljósmyndum í Deiglunni á Akureyri. -
Bernskuminningar Hrefnu Hjálmarsdóttur
Á björtum og fallegum sunnudegi fór ég í heimsókn til Hrefnu Hjálmarsdóttur og ræddi við hana um hátíðar bernskuminningar hennar. Hrefna, sem fædd er árið 1943, ólst upp í Vesturbænum í Reykjavík. -
Jólahugvekja - Máttur trausts, einlægni og kærleika.
Það er komið að því. Undanfarnar vikur höfum við leyft okkur að undirbúa jólin, og undirbúa okkur sjálf undir jólin. Einhver okkar hafa látið jólalögin koma sér í rétta skapið, eða lagt sig fram um að umbera þau. Ég og fleiri tókum þátt í Whamageddon, reyndum að lifa aðventuna af án þess að heyra Last Christmas með gæðadrengjunum í Wham. Ég tórði ekki lengi en það er í lagi, þeir eru ágætir. -
Gleðileg jól!
Með þessum skemmtilegu myndum sem teknar voru á jólatrésskemmtun Skógræktarfélags Eyjafjarðar um liðna helgi sendir starfsfólk Vikublaðsins sínar bestu óskir til lesenda um gleðileg jól! -
Tónninn í þögninni.
Fyrir nokkrum árum kom fram hugtakið núvitund. Líkt og Íslendinga er siður helltum við okkur á kaf í málið og núvitund varð nýjasti plásturinn. Bjargráðið við óhófinu sem við höfum tileinkað okkur og kapphlaupinu um allt og ekkert. Óhóf kostar mikla peninga sem kalla á óhóflega vinnu og óhóf leiðir af sér heilsubrest, ekki síst andlega. Núvitund var lausnin við vanlíðan okkar svo við skelltum henni ofaná allt hitt. Skárum ekkert niður og héldum keppninni áfram. -
Hátíðarhefðir hjá prestum -Munur á helgihaldspresti og sjúkrahússpresti á jólunum
Jólin er hátíð sem margir þekkja og margir hafa sínar hefðir um jólin. Í guðspjöllunum kemur fram að María og Jósef fæddu barn sem var talið barn Guðs. -
Gul viðvörun í veðrinu
Lögreglan á Norðurlandi eystra sendi út tilkynningu fyrir skömmu og varar þar við veðri sem skella mun á okkur seinna í dag og standa fram á nótt.
