13.nóvember - 20.nóvember - Tbl 46
Vinsælasta útivistarperla Húsavíkur
Hægt er að ganga hringinn í kringum Botnsvatn eftir göngustíg sem er 5,4 km langur. Einnig er hægt að ganga frá Skrúðgarði eftir merktum göngustíg upp með Búðará að Botnsvatni. Mynd/epe
Botnsvatn er ein af vinsælustu útivistarperlum Húsavíkur og hefur verið það í áratugi. Vatnið liggur í fallegu dalverpi neðan Húsavíkurfjalls, rétt sunnan við byggðakjarna Húsavíkur og umhverfis það er dásamleg gönguleið sem er vel nýtt af gangandi, hlaupandi og hjólandi útivistarfólki. Ekið er upp úr miðjum Húsavíkurbæ, eftir Ásgarðsvegi og eftir um 3 mín akstur blasir vatnið við.
Botnsvatn er rétt rúmlega einn ferkílómeter að stærð og liggur í um 130 metra hæð yfir sjávarmáli. Í því er einhver veiði, helst þá bleikja. Úr vatninu rennur Búðará og fer hún í gegn um Húsavík á leið sinni til sjávar.
Á góðviðrisdögum eins og í dag má oft sjá þarna fjölda fólks, fjölskyldur í lautarferðum, börn á hornsílaveiðum og ekki síður göngumenn á röltinu. Húsavíkurfjall gnæfir nokkuð bratt yfir norðanverðum hluta vatnsins. Þegar blaðamaður lagði leið sína upp að Botnsvatni í dag var þar talsverður fjöldi fólks og reyndar hundar líka; en svæðið er kjörið til hundaþjálfunar. Þá hafði göngufólk orð á því að allt væri orðið krökkt af berjum umhverfis vatnið, sérstaklega inní botni. Enda hefur tíðin verið einstaklega góð í sumar og því kjörið fyrir berjatýnslu fólk að taka fram bauka sína.
Ef eitthvað er hægt að setja út á þessa náttúruperlu, þá er það akvegurinn upp að Botnsvatni. Hann er oftar en ekki illfær fram á mitt sumar og í tíðinni í sumar er hann heldur þurr. Þá er reyndar vert að benda á fallega gönguleið sem liggur úr Skrúðgarði eftir merktum göngustíg meðfram Búðará, alla leið upp að botnsvatni.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
